HURDEREFEST, Familiæ alicui adscriptus, ex Saxonico hyred, familia, et fæst, fixus : hinc paterfamilias hyredes ealder, materfamilias hyredes moder. Atque sic legendum videtur in Legibus Henrici I. cap. 8. pro Hudefest :

Bis in anno conveniant in hundredum suum quicumque liberi tam Hudefest, quam Folgarii, ad dinoscendum.... si decaniæ plenæ sint, vel qui.... recesserint, etc.

Ubi potius legendum Hurdesfest censet Spelmannus : at Th. Blount in Nomolex. Anglic. mavult Heordfest. Vide in hac voce, et infra Husfastene. Heorthfest scribendum esse censet etiam Thorpius.