HURDICIUM, Glossarium mediae et infimae latinitatis, Du Cange et al.

HURDICIUM, Hurdicius, Cratis lignea, qua obducebantur mœnia, ne ab arietibus, vel missilibus lapidibus læderentur : seu, ut ait Vegetius lib. 4. cap. 23.

ut impetus machinæ materia molliore fractus murum non destrueret

: vel pali in fossatorum marginibus infixi, ne statim ad mœnia accessus pateret : a Saxonico, Hyrdl, plectrum, cratis : Anglis Hurdle. Glossarium Saxon. Ælfrici :

Clæta, Cratis : Hyrdel : vel a Teutonico, Hoorde, Horde, et Hurde, quod idem sonat. Will. Brito lib. 1. Philipp. pag. 107 :

Ictibus assiduis Hurdicia fracta recedunt.

Idem lib. 7. pag. 174 :

Et quæ reddebant tutos Hurditia muros.

Rogerus Hovedenus pag. 680 :

Combusserunt quatuor Hurdicios per ignem Græcum.

Idem pag. 693 :

Petrarias suas et Hurdicios suos, et alias machinas suas bellicas paraverat.

Eadem habet Brompton. pag. 1189. 1201.

P. Carpentier, 1766.

◊ Ourdeys, in Charta ann. 1385. ex Reg. 126. Chartoph. reg. ch. 142 :

Pour icellui (prieuré) emparer et mettre en estat et deffence, ne convient que un pont leveiz, et y faire guérites et Ourdeys.

Vide infra Urdicius.

les Bénédictins de St. Maur, 1733–1736.

Hordamentum. Computus ann. 1202. apud D. Brussel de Usu feud. tom. 2. pag. ccvii :

Pro Hordamenta Feritatis quod ventus trebuchavit et pro granchia reparanda c. et xiii. s. et iii. d.

Ibidem :

Et pro l. caulis ad Hordamentum Gornaci, etc.

Charta ann. 1217. in Tabul. S. Urbani :

Ego Simon Joinvillæ dominus Campaniæ Seneschallus. Notum facio universis quod Abbas et Conventus S. Urbani homines suos pro Hordamento Joinvillæ faciendo miserint. Et sciendum est quod memorati homines dictum Hordamentum per usum vel consuetudinem facere non tenentur. Et dicti Abbas et Conventus ipsos homines ad illud Hordamentum miserint spontanee et non coacte.

Sententia arbitralis ann. 1264. ex eodem Tabular. :

Apres est ordenés que li homme de la terre S. Ourbain ne doient aler ne par droit ne par coustume faire lou Hourdement à Jainvile, ne ne les en doit on contraindre, ne ne puet.

Hordecium. Guillelmus Armoricus de Gestis Phil. Aug. pag. 82 :

Et machinis bellicis cœpit lapidibus emissis damnificare propugnacula et Hordecia.

MS. :

Ainsi s'est Renars atournez,

Mult fut bien d'eue avironnez,

Et Hourdeiz et bon et bel

Par dedens les murs du chastel,

Ses barhacannes fist drecier,

Pour mieux son chastel enforcier.

MS. :

Donc courut un home au terrein,

A un Hordel tendi sa main,

Plein poing prist de la couverture, etc.

Will. Guiart in Philippo Augusto :

I met au hais du Hourdeis,

Le feu à poi de crieis.

Octavianus de S. Gelais, in Viridario honoris, de S. Veronica :

Par trois fois fut evidemment monstrée

A tout le peuple en moult grant reverence,

Par un Evesque sur un Hourt, à l'entrée

De S. Pierre, etc.

Hordicium, interdum sumitur pro machina bellica, seu ariete. Henr. Knyghton pag. 2612 :

Deinde fecit insultum ad castellum eodem die usque ad noctem.... et tunc reddiderunt illud : habuit namque unum Hordicium forte et bene provisum, cum quo ad tales insultus operatus est mirabilia in prosternendo muros castrorum.

Hurdare, Cratibus munire. Will. Brito lib. 1. Philipp. pag. 106 :

Hurdari turres et propugnacula, muros

Subtus fulciri facit.

Vetus Charta in Regesto Normannico

sign. P. ex Camera Comput. Paris. :

Et viderunt quod timorem habuerunt de obsidione, et attornati sunt 4. homines de Communia ad unumquemque quarnellum custodiendum, et Hurdandum eum.

Computus ann. 1202. apud D. Brussel de Usu feud. tom. 2. pag. clix :

Pro calceia facienda et palicio calceiæ, pro turre paranda et Hurdanda, et fossato turris et molendinis, etc.

P. Carpentier, 1766.

◊ Nostris Hourder. Ms. :

Et li portier les murs Hourdoient

De fors cloies refuscicés,

Tyssues de verges pleicés.

P. Carpentier, 1766.

◊ Perperam Hurtare, in Chartul. Norman. ex Cod. reg. 4653. A. fol. 69. pro Hurdare.

les Bénédictins de St. Maur, 1733–1736.

Hurdator, Qui Hurdicia seu crates ligneas facit. Computus ann. 1202. mox laudatus pag. clxiii :

Robertus Hurdator pro perchis et cleis et hurdeicio ii^c. et lxi. l. et x. s.

Hurdamentum. Regestum Philippi Aug. Herouvallianum f. 128 :

Non capiebant Comites Ebroicenses aliquam consuetudinem, nec eschallas, nec Hurdamenta ad castellum Gallionis, etc.

Hordalicium, Assisæ Comitatus Campaniæ anno 1284 :

Hordalicia, seu defensiones in marginibus fossati.