ILLEGALIS, Extra Legem positus, Exlex, bannitus, proscriptus, cui legi ac juri stare non licet. Speculum Saxonicum lib. 2. art. 71. § 1 :

Quicumque contra edictum et adversus ea fecerint, sicut Illegales et banniti judicentur.

Lib. 3. art. 34. § 1 :

A judice proscriptus, et in bannum Regis, seu Illegalitatem inductus.

§ 3.

Denuntietur Illegalis et bannitus.

Adde Jus feudale Saxon. cap. 37. § 1. Diploma Ottonis I. Imper. ann. 966. apud Tolnerum Hist. Palat. pag. 18 :

Qui illud hactenus possidere visi sunt, exhæredes et Inlegales sunt adjudicati.

Vide Exlex, et Haltaus. Glossar. German. col. 1527. voce Rechtlos.