IMIZILUM, Imizinum, etc. Anastasius in Leone III. pag. 144 :

Fecit vestem albam holosericam ornatam in circuitu de Mizilo.

Ubi alii Codd. habent de micilo. In Paschali, pag. 156 :

Vela de fundato 14. de quadrapulo 14. similiter et de Imizilo 14.

Mox :

De Imizilo vela numero quatuor.

In Sergio II. pag. 173 :

Obtulit vestes de Imizilo quatuor.

In Leone IV. apud Murator. tom. 3. pag. 246. et tom. 4. SS. Julii pag. 325 :

Cum lista de chrysoclavo cum velis ex Imizino duobus.

In Nicolao I. pag. 210 :

Fecit.... vestem de fundato unam habentem historiam Leonum, et in circuitu Myzinum.

Bulingerus Imizilum his locis sericum lenius, quod Italice dicitur Ermesino, vel Byssinum interpretatur. Vide, an non idem sit, quod Camisile.