INCASTELLARE, Vallo munire, ad modum et usum castri aut castelli redigere. Charta scripta ann. 20. Ludovici IV. Regis Franc. in Tabulario Conchensi in Ruthenis n. 6 :

Similiter et ipsa roca Priscia, ubi nos et parentes nostri propter gentes nefandas Incastellare consuevimus.

Usurpatur autem hæc vox præsertim de Ecclesiis, quæ vallo muniebantur. Charta ann. 1270. apud Menesterium in Probat. Hist. Lugdun. pag. 9. col. 2 :

Ecclesiam de Magdalena Lugduni Incastellaverant et ad usus redegerant sæculares contra Deum et canonicas sanctiones fecerant, etc.

Otto Frisingensis lib. 7. Chron. cap. 31 :

Ecclesiam B. Petri... Incastellare sacrilege et prophanissime non metuunt.

Gervasius Dorobern. ann. 1144 :

Qui post mortem patris Ecclesiam Incastellatam retinebat.

Will. Malmesb. lib. 2. Hist. novellæ :

Ecclesiam B. Dei Genitricis de Lindocolino Incastellaverat.

Constitutiones Catalanenses MSS. :

Ecclesias quoque Incastellatas sub eadem pacis et treugæ defensione constituo.

Charta Raymundi Comitis Tolosani :

Item quod Incastella, aut Ecclesias Incastellatas detineo.

Concilium Helenense ann. 1065 :

Ecclesias vero illas, ubi Castra fuerint constructa, etc.

Cogitosus de S. Brigida :

Juxta portam interioris Castelli, quo Ecclesia ambitur.

Henricus Huntind. lib. 8. pag. 393 :

Monachis avulsis, Ecclesias converterant in Castella.

Vide Basilium Seleuciensem lib. 1. de Vita S. Theclæ Extr. pag. 124. et lib. 2. cap. 17. Vitam Balduini Lutzemb. Archiep. Trevirens. lib. 3. cap. 7. Bohuslaum Balbinum in Hist. Bohem. pag. 299. Bertoldum Constant. ann. 1077. 1091. Appendicem ad Radevicum ann. 1178. Radulfum de Diceto ann. 1171. Continuatorem Nangii ann. 1358. Gesta Innocentii III. PP. pag. 107. Edictum Jacobi Regis Aragon. de Pace et Treuga tom. 8. Spicilegii Acheriani pag. 384. Wilharduinum n. 237. Paradinum lib. 3. Hist. Lugdun. cap. 4. Catellum in Historia Tolosana pag. 245. 246. Columbum lib. 2. de Episcopis Vasionensibus num. 41. etc.