2. INCUBATOR, Injustus violentusque possessor, tyrannus, apud Macrobium. Servius :

Apud nos Incubator imperii tyrannus dicitur.

S. Bernardus Epist. 236. n. 2 :

Si non miseremini magnis et religiosis monasteriis, quibus omnino sub Incubatore illo destructio imminet.

Meisterlini Hist. Noriberg. apud Ludewig. tom. 8. pag. 93 :

Emori satius præstat, quam tam inhonestam vitam ducere sub alieno imperio, misere officia singula, inquiens, possessores seu potius Incubatores habent, et abrasores, non gubernatores.

Rursum occurrit pag. 65. Gaudentius Donatista apud sanctum Augustinum tom. 9. col. 660 :

Sed hoc non sciunt alienarum rerum Incubatores (i. cupidi) qui nec Deum audiunt dicentem, Non concupisces rem proximi tui. Incubare pecuniæ

Tullius dixit pro Inhiare.