« »
 
[]« Infractura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 357a. http://ducange.enc.sorbonne.fr/INFRACTURA
INFRACTURA, Delictum, crimen, vel quidquid leges infringit, et contra eas fit. Leges Henrici I. Regis Anglic. cap. 68 :
Redduntur duæ libræ pro Infractura ordinis, etc.
Charta Caroli C. apud Doublet. in Hist. Sandionysiana pag. 788 :
Itaque hanc procinctam Deo sanctoque ejus Dionysio donamus, cum omni videlicet judiciaria potestate, hoc est, bannum ..... omnemque Infracturam, et si quæ sunt aliæ consuetudines Legum, ubicumque infra totam præcinctam, sive in agris, sive in domibus, sive in viis publicis vel privatis evenerint, etc.
Charta Ludovici Crassi Franc. Regis ann. 1136. apud D. Brussel tom. 1. de Usu feudorum pag. 180 :
Item de Infracturis ceterisque forisfactis, quæ in terris infra communiam fiebant, propter emendationem dominis plusquam quinque solidos persolvi non permittebant.
Charta Philippi Augusti ann. 1194. pro Atrebatensibus :
Quicumque intra pacem civitatis Infracturam fecerit de raptu, vel de furto, vel de plaga ad bannileugam, justitia nostra eum debet arrestare et coram Scabinis ducere, etc.
Infra :
Qui de Infractura civitatis falsum testimonium dixerit, sexaginta libras perdet.
P. Carpentier, 1766.
◊ Infrainture, nostris, eodem intellectu.
Mellées, injures, Infraintures, amessures, le laron, etc
. in Charta ann. 1311. ex Chartul. Regalis loci part. 1. ch. 30.
les Bénédictins de St. Maur, 1733–1736.
Infractura, Effractura, actio effringendi. Inter Formulas Bignonianas art. 26. exstat
Cautio de Infracturis
, cujus initium ita concipitur :
Contigit quod cellarium vel spicarium vestrum Infregi, et exinde annonam vel aliam raupam in solidos tantos furavi, etc.
Hac [] notione, ut reor, in Chartulario Prioratus S. Florentini sub Odone Abb. S. Germani Altissiod. ex Charta xi. sæculi legimus :
Incendium, homicidium, violentiam quæ vulgo appellatur Rapt, furtum, taxiam, Infracturam, assaltus, et quidquid culparum dici aut æstimari potest.
P. Carpentier, 1766.
Infractura Atrii, Mulcta, quæ ob infracta atrii vel ecclesiæ jura exigebatur. Charta Henr. comit. Campan. ann. 1149. in Append. ad tom. 6. Annal. Bened. pag. 723. col. 2 :
Prioratum sancti Eugendi in castro Firmitatis fundatum, cum atrio et Infractura ejus.
Vide Infractio.
les Bénédictins de St. Maur, 1733–1736.
Infractura Burgi. Vide Burghbrech.
Infractura Chemini. Charta Communiæ Meldensis ann. 1179 :
Si quis in chemino in alium violenter manus injecerit, et clamor inde processerit, et de hoc convictus fuerit, Infracturam chemini forisfactor 7. solidis emendabit.
les Bénédictins de St. Maur, 1733–1736.
Infractura Ecclesiarum, in Capitulis Caroli Calvi, apud Baluz. tom. 2. Capit. col. 150.
© École des chartes.