« »
 
[]« Instaurum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 382b. http://ducange.enc.sorbonne.fr/INSTAURUM
INSTAURUM, Quidquid ad agriculturam, vel ad prædii instrumenta et supellectilem, pertinet, ut sunt animalia, pecora, servi, etc. Anglic. Store : Jurisconsulti Instructum dicunt. Monasticum Anglic. tom. 1. pag. 548 :
Manerium illud nullum potest sustinere Instaurum, quia nullum habet pratum, etc.
Pag. 924 :
Redditus omnes, Instaura, proventus quicunque singulis annis redigantur in scriptum.
Adde tom. 2. pag. 933. Fleta lib. 2. cap. 72. § 7 :
Inquirere debet de Instauro, in quolibet manerio existente. Instaurum Ecclesiæ,
quidquid ad supellectilem Ecclesiasticam spectat, in Synodo Exoniensi ann. 1287. can. 12. 44. 53. Vide Provinciale Lindwodi pag. 369. 2. Edit. et Rymer. tom. 3. pag. 16.
Instauramentum, Eadem notione. Charta ann. 1158 :
Et ipsum brolium, vineas,... et omnino omne Instauramentum suum libertate donavimus in perpetuum.
Occurrit etiam in Charta Ludovici Regis ann. 1158. in Regesto Phil. Aug. Herouvalliano fol. 77. in Monastico Anglic. tom. 1. pag. 549. 604. tom. 2. pag. 106. apud Radulphum de Diceto pag. 647. etc. Vide Staurum.
Instaurare, Supellectile agraria prædium vel domum rusticam instruere. Charta Joannis Regis Angl. de libertatibus Angl. ann. 1215 :
Et reddat hæredi, cum ad plenam ætatem venerit, terram [] suam totam Instauratam de carucis et omnibus aliis rebus.
Monasticum Anglicanum tom. 1. pag. 548 :
Hæc est extenta
(i. inquisitio) potius æstimatio, ut expositum suo loco,
facta per præceptum domini Regis de terris et tenementis Prioris de Derhurste,... quantum valeant Instaurare, et quantum deinstaurare, etc
. Infra pag. seq. :
Et valet Instauramentum 7. lib. non Instauramentum 5. lib. 17. sol.
Ovilia Instaurata pascuis
, in Charta ann. 1063. apud Miræum tom. 1. pag. 152.
Instauratio, Id quod Instaurum. Matth Paris. ann. 1258 :
Rex illi ad Instaurationem parcorum suorum, et ad usum mensæ suæ benigne concederet, ac sub certo numero bestias daret, etc.
L. Henschel, 1840–1850.
Instaurare Judicium, Judicio securitatem banno regio confirmare, Germ. das Gericht hægen. Vide Haltaus. Glossar. Germ. in hac voce col. 775.
© École des chartes.