INTERPRISIA, Facultas a principe subdito data, qui injuria affectum se vel spoliatum ab alterius principis subdito queritur, de qua jus vel rectum ei denegatur, ejusdem principis subditos eorumque bona Interprendendi seu aggrediendi et occupandi, idem quod Marcha et Represaliæ. Invent. Chart. reg. ann. 1482. fol. 46. v° :

Duæ litteræ simul ligatæ, per quarum primam Philippus comes Flandriæ vult, consentit et declarat quod certa litteræ provisionales et Interprisiæ per eum et ejus consilium concessæ in præjudicium episcopi Tornacensis,... sint nullæ et cassæ.

Vide alia notione in Interprendere.