« »
 
[]« Inthronisare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 402b. http://ducange.enc.sorbonne.fr/INTHRONISARE
INTHRONISARE, Inthronizare, ἐνθρονίζειν, Episcopum vel alium in thronum inducere, in possessionem mittere. Joh. de Janua : Inthronizare, in throno vel sede ponere, collocare. Glossar. Lat. Gall. Sangerm. : Intronizare, Intronizer. Forma electionis Episcopi ann. 990. tom. 8. Spicil. Acher. pag. 155 :
Electum Episcopum in ipsam sedem S. Stephani Caturcensis Episcopum exaltavimus et in nomine S. Trinitatis Inthronisavimus, et ipsi Ecclesiæ Pastorem præfecimus.
Charta ann. 1353. tom. 2. Hist. Eccl. Meld. pag. 229 :
Eum ad dictam Curam committere dignemini et velitis, et in dicta parochiali Ecclesia mandare eum Inthronizari, ut moris est.
Intronizare, in Electione Adalberti Abb. S. Genesii Bisuld. ann. 1006. Marcæ Hisp. col. 963.
Filios pistorum ac cocorum et piscatorum Intronizavit,
in Historia Monasterii Novient. tom. 3. Anecd. Marten. col. 1143. etc. Vide Thronus.
P. Carpentier, 1766.
Inthronizare, Thronum seu sedem episcopalem constituere. Charta Roricon. Laudun. ann. 973. ex Chartul. S. Vinc. Laudun. ch. 5 :
Melcalannus venerabilis abbas monasterii S. Vincentii, quod secunda Laudunicorum pontificum sedes, ut pote præsulum, cleri et militum immutabilis sepultura, appellata est, ex quo præsulari urbs ipsa meruit Inthronizari cathedra, etc.
les Bénédictins de St. Maur, 1733–1736.
Inthronizare Mensam, Altare profanatum reædificare. Epistola Nicolai I. PP. a Ratherio Veron. laudata tom. 2. Spicil. Acher. pag. 244 :
Sed et Ecclesias quas, ut putatur tam Phocius quam hi qui ab ipso consecrati sunt, dedicaverunt, vel si commotas Mensas stabilierunt, rursus redicari et Intronizari atque stabiliri decernimus.
les Bénédictins de St. Maur, 1733–1736.
Intronisare Pœnitentes, Eos, ni fallor, absolvere et sacræ communioni restituere. Chron. Magdeburg. MS. apud Haltausium in Calendario Germanico pag. 82 :
Cum enim in bona quinta feria (Majoris hebdomadæ) Archiepiscopus Intronisaret pœnitentes.
Torquatus in Brevi Hist. Præsulum Magdeburg. MS. ibid. pag. 83 :
Cum enim die quadam Jovis Sanctæ Archiepiscopus pœnitentes de more apud Ecclesiam Intronisaret.
les Bénédictins de St. Maur, 1733–1736.
Intronizare Sponsam, Sponsæ conjugalem benedictionem impertiri, vel f. ejus thalamo nuptiali. Charta Witigonis Episc. apud Ludewig. tom. 1. pag. 287 :
Et si pro defuncto sepeliendo, sponsa Intronizanda, vel puero baptizando ipse Plebanus requisitus fuerit, attendere debebit cum custode ministrata eis procuratione congrua et honesta.
Charta ann. 1421. apud Haltaus. in Glossar. German. voce Einleiten, col. 298 :
Quod quælibet mulier de suis plebisanis Intronizanda ad ecclesiam post partum, etc.
Vide Introducere 2.
les Bénédictins de St. Maur, 1733–1736.
Inthronizatio, Inductio in thronum, apud Marten. tom. 2. Anecdot. col. 1078.
les Bénédictins de St. Maur, 1733–1736.
Inthronismus, Eadem notione. Liberatus Diac. cap. 19. Breviarii :
Fertur expositio ejus (Severi Antiocheni) quæ ab eo dicta est in Inthronismo.
© École des chartes.