INTRAMASARE dici videtur is, cui vendita est terra proximi sui, in quem ex lege non cadit retractus : tum enim ille hanc sibi pleniter asserit, et intra familiam suam infert. Charta Beatricis Abbatissæ B. Mariæ Suession. ann. 1231. ubi de Retractibus :

Et si contigerit, quod terra devolvatur jure hæreditario ad aliquem, eam Intramasabit. Et si plures fuerint hæredes quilibet eorum tenetur Intramasare, et tenetur quilibet solvere Majori et Scabinis et Decano 16. den. Paris. videlicet cuilibet Scabino 3. den. Majori 3. den. et Decano 4. et Ecclesiæ nostræ de qualibet Intramasatione tenetur solvere 2. sestarios vini.

Locum integrum habes in Offerre. Vide Intromansus.