IPSULLICES, vel Ipsilices, Bracteæ in virilem, muliebremque speciem expressæ. Festus. Ubi quidam suspicantur, intelligi imagunculas, quibus magi in amatoriis sacrificiis utebantur, ut eos, quos referebant, ad amandum illicerent : ab Ipse, et illex. Dicuntur et Ipsilles, et subsilles. De quibus Festus : Subsilles sunt, quas aliter Ipsilles vocant, lamellæ necessariæ sacris, quæ ad rem divinam conferre dicuntur maxime, specie virorum ac mulierum.