« »
 
[]« Jugum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 446a. http://ducange.enc.sorbonne.fr/IUGUM
JUGUM, vox Latinorum, Jugum boum. Adalardus in Statutis Monasterii Corbeiensis lib. 2. cap. 1 :
Et idem ipsi dent, unusquisque ad hortum cui desierint in tertio anno, aratrum 1. Jugum cum amblacio et conjunctis quando necesse fuerit.
P. Carpentier, 1766.
◊ Joint, eodem sensu, in Lit. remiss. ann. 1397. ex Reg. 153. Chartoph. reg. ch. 78 :
Icellui Monnin portant une chose, nommée Joint, à quoy ou pays l'en lye les buefs, etc.
Nostris præterea Juille et Julhes dicitur pars jugi, lorum nempe quo jugum ad cornua boum alligatur. Lit. remiss. ann. 1444. in Reg. 176. ch. 220 :
Icellui Palloriez d'un coustel coppa les Juilles ou lieures, dont les beufs qui tiroient à la charrette estoient liez.
Aliæ ann. 1481. in Reg. 200. ch. 7 :
Unes Julhes de beufz que le suppliant avoit eues de celui dont il avoit eu ledit cheval.
Hinc Faire veilles de sainte Juille facete dictum suspicor, in Lit. remiss. ann. 1384. ex Reg. 125. ch. 159 :
La vegille de la feste de la Magdelene darreniérement passée, ledit suppliant estant en laditte ville de saint Crist, où l'en a acoustumé de faire veilles de sainte Juille entre aucuns varlez qui dancoient et faisoient lesdittes veilles.
Vide Conjugla.
les Bénédictins de St. Maur, 1733–1736.
Jugum, Vectis lunatus instar jugi. Acta S. Illidii, tom. 1. Junii pag. 426 : []
Jugum igitur, quod os fornacis validissime confirmabat... est effractum... Jam enim paratum est Jugum, quod totam molem lapidum sustinet, cum ipso igne corruere.
Occurrit apud Heronem de Machinis bellicis cap. 9. ubi sic exponitur a Borocio in descriptione Testudinis arietariæ :
Juga hic intelligenda sunt ligna duo instar jugi bovini conjuncta, quæ una cum aliis duobus eodem modo conjunctis basim testudinis constituunt.
Jugum Terræ, Quantum juncti boves uno die arare possunt, Joug de terre, Arvernis. Cantianis autem Anglis Jugum multa jugera, etiam et habitacula, quæ messuagia vocabant, continet. Rentale regalis manerii de Wy in Comitatu Cantii pag. 13. apud Spelman. :
Summa hujus Jugi 8. messuagia, 6. tofti, 1. gardinum, 51. acræ, 1. roda dimid.
Item :
Jugum de Burghorn et Delman.... summa terrarum hujus Jugi, 10. messuagia, 1. cotagium, 1. toftum, 58. acræ dimid. et dimidia rodæ.
Ibidem pag. 7 :
Jugum et dimidium jugerum de Amming... summa terrarum optimi et medii pretii, 53. acræ,
1, rada, et pasturæ 89. acræ, 1. roda dimid. Cætera ibidem juga, sunt plerumque terræ arabiles. Videtur, subdit idem Spelmannus, Manerium distributum fuisse in varias portiones ad alendum totidem familias rusticas una cum bobus eorum junctoriis sufficientes, atque inde Juga apellatas. Postea vero Juga ista lucri causa, in plurima habitacula reducta sunt. Jacobus Gothofr. ad leg. 2. Cod. Theod. de Censu, (13, 10.) Juga seu capita, terrena Juga, in leg. 3. Cod. Th. de Militari veste, (7, 6.) et leg. 1. de Impon. lucrat. descript. (14, 4.) terræ modos interpretatur, quibus colendis per annum boum jugo opus est : sicut jugum, jugerum, quantum in die jugo boum exerceri potest. Ita eo casu jugum, plura jugera continuerit. Charta Henrici Comitis Portugalliæ tom. 3. Monarch. Lusitan. p. 282 :
Si quis emerit vineam a tributario, sit libera : et si acceperit prius ad jugum uxorem tributarii, omnem hæreditatem, quam habuerit, sit libera : et tributarius, si potuerit esse miles, habeat morem militum. Milites quot potuerint habere Jugarios in hæreditate sua quam habuerunt intus Colimbria, etc.
Vide tom. 4. pag. 307. et supra Gavelherte et Wendus.
© École des chartes.