2. JURARIA, Officium eorum, qui rebus vendendis pretium imponebant, qui Jurati appellabantur, quod de officio bene gerendo sacramentum præstarent. Correct. statut. Cadubr. cap. 78 :

Ordinamus quod omnes et singuli Jurati Cadubrii vinculo sacramenti in villis suis et contractis teneantur et debeant secum vocare duos aut tres de suis vicinis non suspectos, et... accedere statim cum ipsis Juratis ad domos eorum, qui voluerint vendere res ad minutum, ad pondus vel mensuram, prout in statutis, et eas ponere ad manum (leg. metam) ;.... et meta imposita per dictos Juratos et homines penitus observetur, et in eandem pœnam incidant ii, qui ultra metam impositam vendiderint... Quotiescumque officium Jurariæ obvenerit alicui hospitii sive tabernario... ex rotulo, ipsi non possint dictum officium exercere ; sed inveniantur alii loco ipsorum, propriis eorum expensis, qui prædictum officium exerceant juxta ordines.

Hinc Mettre en jurée, pro Æstimatione rerum a juratis facta, eas præconis voci subjicere, vulgo Décréter. Lit. remiss. ann. 1481. in Reg. 209. Chartoph. reg. ch. 188 :

Guillaume Bethon avoit fait mettre en Jurée et passer par décret au siege des pletz de la baronnie de S. Vigor le grand, ... certains héritaiges.