« »
 
[]« 1 justa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 470c. http://ducange.enc.sorbonne.fr/IUSTA1
1. JUSTA, Gall. Jouste, Monomachia ludicra, hastiludium singulare. Willelmus Malmesbur. lib. 2. Hist. Novellæ pag. 187 :
Tentavere primo Regii proludium pugnæ facere, quod Justam vocant, quia tali arte erant periti.
Vocabuli etymon quidam accersunt a voce Latina Juxta, et Gallica, Jouxte, i. prope, quod non eminus, ut in præliis, uti vocant, campalibus, sed cominus lanceis aut ensibus res geratur.
les Bénédictins de St. Maur, 1733–1736.
◊ Eo quod in Justa duo solum, ut mox dicitur, aut pauci utrinque pares numero decertarent, Carolus de Aquino Justam potius dictam putat a Justo, id est, pari congredientium numero, cum paribus item armis, quam a juxta adverbio. Livius lib. 26. cap. 51 :
Sudibus inter se in modum Justæ pugnæ concurrentes.
Tassus Jerus. Cant. 6.
Ma vada innanzi a Giusta pugna ei solo,
Tu lunge alquanto a lui ritien stuolo.
Plura vide apud eumdem de Aquino in Lex. Mil.
◊ Differebat autem Justa a torneamento, quemadmodum species a genere. Torneamentum enim, universim dicebatur omnis ludicra decursio militaris : Justa vero pugna aut prælium, quod in torneamento fiebat. Deinde Torneamentum, plurium et turmatim congredientium, Justa singulare erat certamen. Unde recte Niceph. Gregoras lib. 10. dixit Justam quam voce Græcobarbara, ut et Jo. Cantacuzenus, τζοῦστραν appellant, μονομαχίας ἔνδειξιν ἔχειν. Confecta namque prima militari decursione, et finito omnium, qui una simul aderant, ex utraque parte, prælio, ad singulare certamen, seu ad Justam progrediebantur. Joannes Monachus Majoris-Monasterii lib. 1. Hist. Gaufredi Ducis tradit, Normannos, cum a Britonibus in quodam torneamento victi et deleti essent,
confusione inopinata dejectos, singulare certamen Britonibus proposuisse
. Hinc apud Monachum Moliensem in suo Miserere :
Gagner Joustes au Tournoy.
Non semper tamen in solis torneamentis [] Justæ fiebant, quandoque enim absque iis indicebantur. Has appellat Historia Burcicaldi :
Joustes à tous venans, grandes, et plenieres.
Vide Froissart. 2. vol. cap. 154.
◊ Qui in Justis primum decertabant, Fæcialibus, vel Heraldis aliisque armorum, uti vocabant, officialibus, elmum suum, seu cassidem donativi vice conferre debebant, nisi prius in torneamentis idipsum præstitissent. Inde nata illa solennis sententia, Ensem lanceam, non vero lanceam ensem immunem facere. Miles enim si in Justa cassidem Fæciali contulerat, non propterea ab eadem rursum in torneamento donanda immunis erat. Tractatus MS. de Torneamentis :
Item pour les nobles qui tournoient, s'ils n'ont autrefois tournoié, donnent leurs heaumes aux officiers d'armes, ores qu'ils ont autrefois Jousté ; car la lance ne peut affranchir l'espée, et l'espée affranchit la lance. Mais il est à noter, si un noble homme tournoie, et qu'il ait payé son heaume il est affranchi du heaume de la Jouste ; mais le heaume de la jouste ne peut affranchir celui du tournoy.
Hinc colligitur in Torneamentis dimicare longe fuisse honorabilius, quam in Justis, etsi in Justis dimicarent etiam, qui in Torneamentis dimicabant ; præterea lanceam eorum proprie fuisse, qui in singularibus certaminibus decertabant ; gladium vero eorum, qui in torneamentis. Vide supra Jousta.
les Bénédictins de St. Maur, 1733–1736.
◊ Has omnes ludicras pugnas, propositis gravioribus pœnis, ad tempus interdicit Philippus IV. Franc. Rex Edicto ann. 1312. quod videre potes apud de Lauriere tom. 1. Ordinat. pag. 509. et seq.
Astiludere vel Jostare sub pœna amissionis equorum et alia graviori
etiam vetat Humbertus II. Dalphinus tom. 2. Hist. Dalphin. pag. 347.
les Bénédictins de St. Maur, 1733–1736.
◊ Neque prætermittendum quod legitur in Constitutionibus Episcopi Sabinensis ann. 1239. in Consilio Terraconensi confirmatis, apud Marten. tom. 7. Ampliss. Collect. col. 132 :
Contra illos qui faciunt Justas in Monasteriis :
Item præcipimus omnibus Judicibus
et Advocatis litteratis, ne conveniant vel intersint alicui Justæ quæ fit vel fiat in monasteriis vel grangiis Religiosorum.
les Bénédictins de St. Maur, 1733–1736.
Josta, Idem quod Justa, in Computo ann. 1327. et 1328. tom. 2. Hist. Dalphin. pag. 216.
les Bénédictins de St. Maur, 1733–1736.
Jostra, Eadem notione, Ital. Giostra. Chronicon Dominici de Gravina tom. 12. Muratorii col. 557 :
Facientes Jostras et hastiludia, etc.
Hist. Cortus. eod. tom. col. 865 :
Facta sunt hastiludia, Jostræ, tornearia, etc.
les Bénédictins de St. Maur, 1733–1736.
Justare, Ludicre pugnare, Gall. Joûter. Mandatum ann. 1319. apud Rymer. tom. 3. pag. 758 :
Quidam ad torneandum et Justandum..... in proximo sunt venturi.
P. Carpentier, 1766.
◊ Nostris Forjouster, inter alios in ejusmodi pugna eminere, superare. Tract. MS. de Torneam. :
Et qui de dehors Forjoustera, aura au gré et au vouloir d'amours un très noble et riche diamant.
Christ. Pisana in Carolo V. part. 2. cap. 12 :
Jehan duc de Berry... en sa juenece hanta les armes et fut à maint fait d'armes en Guienne,... fu moult bel jousteur, dont ou temps qu'il estoit en Angleterre, avec son pere le roy Jehan, y Forjousta les Joustes par pluseurs foiz et aussi en France.
Le Roman du Dit du Chevalier :
Enfin de saison au printemps
Se traist où on alloit jouster,
Et faisoit des festes crier,
[]
Desquelles le plus Forjoustoit,
Ou si vassaument s'y portoit
Qu'il en estoit boine nouvelle.
© École des chartes.