LAMPADARE, Lampades supponere lateribus : tormenti species, quo in Martyres sæviebant Pagani. Vita S. Politi Mart. cap. 3. n. 17. :

Tunc Imperator jussit eum in equuleo appendi, et Lampadari.

Alia ejusdem S. Vita cap. 6 :

Jussit eum in equuleo suspendi, et Lampades ardentes lateribus applicari.

Acta S. Marcelli PP. cap. 4. n. 19 :

Date Flammas ad latera ejus.

Prudentius lib. περὶ στεφάνων, in S. Eulalia :

Ultima carnificina dehinc, non laceratio vulnifica crate tenus, nec arata cutis, flamma, sed undique Lampadibus in latera, stomachumque furit.

Theoderetus lib. 8. Græcar. affect. pag. 112. de Martyribus :

Προθεῖναι δὲ τὰ νῶτα τοῖς ἐθέλουσι μαστιγοῦν, ϰαῖ λάμπασι, ϰαὶ ὄνυξι τὰς πλεύρας, ϰαὶ τοὺς αὐχένας ὑποθεῖναι τοῖς ξήφεσι, etc.

Vide Lactantium lib. de Mortib. Persecut. n. 21. Palladium in Vita Chrysostomi pag. 198. Acta SS. Marii, Marthæ et al. n. 18. Acta S. Asclæ n. 5. Acta S. Dorotheæ n. 9. 17. S. Eulaliæ Virg. Barcinon. 7. Vitam B. Faustini et Iovitæ Mart. n. 1. Menologium Basilii in S. Crescente 13. 16. April. Martyrolog. Rom. 24. Novemb. Baron. ann. 259. n. 17. ann. 285. num. 5. etc.