LAMPADARII, offieiis ac ministris inlustrium dignitatum vulgo accensetur, tametsi de eorum munere haud constet : maxime vero Præfectis Prætorio, et Magistris officiorum adscribuntur apud Julianum Antecessor. Constit. 37. et in Notitia Imperii, ac deinde inferioribus etiam Magistratibus ex Imperatorum indulto, ut Quæstoribus seu Præfectis insularum, apud eumdem Julianum loco laudato : et aliis, in Constitutione Leonis M. et Zenonis, Cod. de Diversis Offic. Concessum etiam Pontici tractus Vicario, ut et Præcone et Lampadibus quatuor uti posset, Justiniani Edicto 8. § 4. unde patet, plures fuisse Lampadarios majoribus Magistratibus, quorum princeps, Primicerius Lampadariorum dicitur in Novella Valentiniani 34. ex Theodosianis quas edidit Pithœus, Opilioni Magistro officiorum inscripta. Ii porro δαδοῦχοι videntur appellari in veteri Inscriptione apud Sponium tom. 3. Itiner. part. 2. pag. 18 :

Προνοία Φλάϐιου Πομ. δαδούχου τοῦ διασημοτάτου ϰαὶ ἀποχομίτων.

Ibi de Ministris sacrorum Cereris aut Proserpinæ, qui in iis sacris faces deferre solebant, agitur. Vide Polluc. Castell. de Ludis Græc. Meurs. de Eleusin. et Vandal. Dissert. 6. cap. 5. pag. 500. et seqq. Cum igitur lampades quatuor concedantur Vicario Pontici tractus, satis apparet, Lampadarios non fuisse, qui lampadum Palatii curam haberent, ut accenderentur et niterent : quod volunt Brissonius, Pancirolus, et alii. Neque plures quam quatuor lampades habuisse magistratus ex eo colligo, quod inter insignia Præfectorum Prætorio, in Notitia Imperii totidem depingantur : ubi lampades, non lucernæ oleariæ sunt, quod quidam volunt ; sed candelabra cereis suis candelis instructa. Aderat præterea inter ea insignia Imperatoris imago, quæ aut Magistratui præferebatur, ut observare est ex Senatore l. 6. in formula Consularitatis 20. adeo ut lampades iis concessas par sit credere ob ejusmodi imagines, cum deferri μετὰ ϰηρῶν et μετά ϰηραψίας, solerent, ut docent Acta Synodi VII. act. 1. et Chronico Alexandrin. in Phoca. Neque id summis Magistratibus proprium fuit, cum et Imperatoribus præferrentur, quod produnt Herodianus in Commodo et in Antonino, Tertullianus in Apologetico cap. 34. et ad Uxorem cap. 2. et aliquot alii. Inde vero fluxisse, ut cum faculis et acclamationibus, cum urbes ingrederentur, Imperatores Occidentis exciperentur, quod tradit Lambertus Schafnaburgensis ann. 1077. non ausim affirmare. Verum ut sese res habeat, hinc videtur ortus apud Orientales Augustos qui invaluit, ritus, ut a Lampadario in sacris liturgiis præcederentur

μετά διϐαμπούλου ϰαὶ τῆς λαμπάδος,

ut auctor est Codinus de Offic. cap. 6. n. 4. 31. 41. cap. 7. n. 24. quod etiam attigit Balsamon de Privileg. Patriarch. pag. 445. Matthæus Monachus de Offic. aulæ CP.

ϰἂν ταῖς ἑορταῖς λαμπαδηφόρος ἄλλος.

Sed cur Lampadarii Mensoribus adjungantur in Notitia Imperii, et in d. l. ult. C. de Divers. offic. (12. 59.) rationem aliam non perspicio, nisi quod ex Mensorum ordine essent, vel quod ut ii, Imperatorem et Magistratus præcederent. Vide Henric. Valesium ad Euseb. de laudib. Constant. cap. 1.