LARSUS, χαροπός, Venustus, glaucus, in Supplemento Antiquarii. Martinio legendum videtur Lætificus, Lætitiam vultu afferens, quod hæc vis sit vocis Græcæ. Quid si legeretur Larvus, ut ex Gloss. idem Martinius habet infra χαροπός, Cæsius, Larvus. A Larva, Persona, ficta facies, Larvus dictus, quasi Larvatus, Larva ornatus, sicque jocosam vultu prodens lætitiam, vel eam afferens oculis aliorum : quod significat vox Græca χαροπός, vel χάρωψ. Adde ex Castigat. in utrumque Glossar. in aliis Gloss. Cæsius, Larvus ; ubi vir doctus Ravus emendat.