LECTISTERNIUM, Lecti apparatus et Instrumentum, vel lectus ipse. Gloss. Ælfrici : Lectisternium, bed-reaf, i. vestis Lecti. Papias : Pulvinus, privati hominis cervical : pulvinar vero principum : vel Lectisternium, quod sternebatur in templis. Jo. de Janua : Lectisternium, lectus stratus et præparatus, vel locus in quo lectuli sternuntur, i. præparantur, vel locus in quo homines sedere vel jacere consueverunt. Vita S. Geremari Abbat. cap. 4 :

Consilium inter se acceperunt, ut cultellum sub Lectisternio ponerent.

Vita S. Winwaloei Abbat. n. 15 :

Pro laneo aut lineo indumento, caprinis usus est pellibus : pro plumis, aut Lectisterniis, arboreis utebantur corticibus.

Vita S. Gilberti de Sempringham pag. 682 :

Lectisternio laneo mediante sic super stramenta residebat.

Charta Odonis Abb. San-Dionys. ann. 1231. e MS. B. Mariæ de Argentolio :

Prior... fratribus suis in vestibus laneis et lineis, capuciis, botis, pelliciis et in Lectisterniis regulariter provideat

Lectisternia caprina, in Ep. 9. S. Bonifacii Arch. Moguntini, Lectisternia et acu tapetia confecta, in Miscella ann. 17. Heraclii, ubi Theophanes ναϰϰοτάπητα ϰαὶ ταπήτια. Sed legendum ναϰτοτάπητα, ex coactilibus confecta lectisternia. Ita usurpant S. Benedictus in Regula cap. 29. Gregorius M. lib. 6. Epist. 23. lib. 11. Ep. 20. lib. 12. Ep. 16. Beda in Vita S. Cuthberti n. 57. Florentius Wigorn. pag. 631. Vita S. Findani Confess. cap. 4. apud Goldastum, Eckeardus jun. de Casib. S. Galli cap. 5. Guido in Disciplina Farfensi cap. 45. Albertinus Mussatus, apud Murator. tom. 10. col. 649. etc. Adde Probat. Hist. Luxemburg. Duchesnii pag. 35. De veterum lectisterniis agunt Savaro ad Sidon. lib. 4. Ep. 15. Menard. ad Concord. regul. D'Orléans, ad 15. Annal. Taciti, et alii. Vide Lectarium.