LECTUARIUM, Idem quod Lectuale, et Lectarium. Gregor. Turon. de Vitis Patr. cap. 6 :

Lectulum sancti Sacerdotis expetiit, in quo decubans, a lecturia ipse opertus paululum obdormiens, ita sanatus est, etc.

Legendum forte pro a lectuaria, nude lectuario. Capitula ad Legem Alamannor. cap. 29 :

Et si maritum supervixerit, tota Lectuaria ei concedantur.

Infra :

Lectaria partiant æquale.

Vita S. Lupicini Abbat. Jurens. n. 2 :

Lectuaria vero aut lectum nunquam perhibetur habuisse in usum.

Regula S. Aureliani cap. 27 :

Lectuaria sæcularia de coloribus facta in usu non habeatis.

Fortunatus in Vita S. Paterni num. 6 :

Lectulo nunquam utens, Lectuaria nesciens, etc.

Testamentum S. Aredii :

Boves, porcos, Lecturia, utensilia, etc.

Vide Lectarium.