LEDIGH-MAN. Charta Ottonis de Benthem ann. 1253. apud Frederic. Sandium in Consuet. feudal. Gelriæ tit. 1. cap. 1. § 12 :

Et proinde effecti sumus ligius homo, quod Teutonice dicitur Ledighman, ejusdem Comitis Gelriensis contra quoslibet, etc.

Charta alia, ibid. n. 27 :

Et ipsius domini nostri Comitis prædicti et suorum hæredum erimus homines legii dicti Ledigman.

Schiltero in Glossario Teutonico, Lethig, Ledig, est Vacuus, in Latinum, inquit, receptum Ligius ; Ledighman, Homo ligius, qui uni soli homagio obligatus. Vide ejusdem Comment. in Jus feud. Alem. et infra Ligius. Haltaus. Glossar. German. in hac voce col. 1220.