LIBRILLA. Joan. de Janua : Librilla, est baculus cum corrigia plumbata ad librandum carnes. Dicitur etiam instrumentum librandi, i. percutiendi lapides in castra, scil. manganus. Unde librillo, as, tali intrumento projicere, vel percutere, vel infestare. Festus habet :

Librilla, vel ut restituit Scaliger. Librilia, appellantur instrumenta bellica, saxa scilicet ad brachii crassitudinem in modum flagellorum loris revincta

. Henricus Rosla in Herlingsberga :

Non hic unigena fabricatur machina, nomen

Hæc Librilla tenet ; quasi saxea pondera librans.

Librilium meminit Cæsar lib. 7. de Bello Gallico :

Fundis, Librilibus, sudibusque, etc.

Iis qui utebantur, Libratores dicuntur Tacito 2. et 3. Annal. Vide Manganum.