2. LIVELLUS, Idem quod Libellus, Charta, quæ prædium in emphyteusin conceditur, canon emphyteuticus, Ital. Livello. Stat. Vercel. lib. 6. pag. 140. v° :

Ita tamen quod sedimen et terras, quas tenebat a domino ad fictum vel Livellum, vel alio modo, absolute dimittere teneatur, etc.

Stat. Cadubr. lib. 2. cap. 93 :

Si Livellus vel locatio alicujus rei ad non modicum tempus facta, etc.

Correct. eorumd. Stat. cap. 134 :

Jubemus ac mandamus, ne pauperes opprimantur, quod dom. vicarius cuicunque condolenti de Livellorum exactione nimia et excessiva summarie et sine strepitu judicii jus et justitiam ministret.