« »
 
[]« 2 lucerna » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 146c. http://ducange.enc.sorbonne.fr/LUCERNA2
2. LUCERNA, Fenestra, sed proprie ea quæ in domus tecto est : Lucarne, in Consuetud. Remensi art. 379. Libertates concessæ urbi Barcinonensi a Petro Rege Arag. ann. 1283. MSS. :
Est consuetudo in Lucernis positis in pariete proprio vel communi illius qui lucem accipit per ipsas Lucernas, si ipsæ Lucernæ extiterint per 30. annos in pace et continue, ipsæ Lucernæ non possint claudi a parte adversa.
Adde caput sequens. Alibi :
In pariete proprio vel communi nemo debet facere fenestram vel Lucernam.
Lucerna Boeta. Synodus Exoniensis ann. 1287. cap. 12. ubi de Ministeriis sacris :
Campanella deferenda ad infirmos, et ad elevationem Corporis Christi : Lucerna boeta, campanellæ ad mortuos, etc.
Ubi Lucerna boeta, ea est, ni fallor, quæ in majori pyxide, forte vitrea, quam boetam nostri dicunt accensa includitur, ne, dum in plateis effertur, extinguatur. Vide Boeta.
Lucernæ, inter ministeria sacra. Charta Gennadii Episcopi Astoricensis æræ 953. apud Anto. de Yepez tom. 4 :
Vasa autem altaris calicem argenteum cum patena, et coronam, signum, crucem, et Lucernam æream.
Occurrit ibi pluries, et in aliquot aliis tabulis Hispanicis apud eumdem Scriptorem. Alia Rudesindi Episcopi Dumiensis æræ 930. ibid. tom. 4 :
Ministeria Ecclesiæ... coronas argenteas tres, ex quibus unam gemmis et auro comptam : Lucerna, id est, Turibulorum ex auro, cum sua offerturia, capsas argenteas, etc.
Vide Absconsa.
Lucernæ, Oculi. Charta æræ 979. apud Anton. de Yepez in Chron. Ord. S. Benedicti tom. 5 :
In primis sit a Domino maledictus, et... arreptus a diabolo currat, et a fronte Lucernis careat, Gisei lepra sit percussus, etc.
Occurrit crebro hæc formula in Chartis Hispanicis.
© École des chartes.