MALETA, diminut. a Mala. Equestris sarcina, pera viatoria, nostris Male. Leges Palatinæ Jacobi II. Reg. Majoric. inter Acta SS. tom. 3. Junii pag. xxxi :

At vero cum nos alibi transferre continget, unus ex barbitonsoribus, prout concordabunt inter se, portabit Maletam cum vestibus corporis nostri.

Capitulum gener. S. Vict. Massil. MS. ann. 1313 :

Super eo quod lectus Prioris mortui in quo visus est jacere, nobis est successoribus nostris reservatur, declaramus et volumus quod intelligatur de lecto illo quem itinerando portabat in saumerio vel Maleta Prior qui decessit.

Ordinat. domus Dalphini ann. 1340. tom. 2. Hist. Dalphin. pag. 392 :

Addimus eis unum barberium, qui roncinum bonum habeat, portetque Maletam et alia necessaria, quæ ad ejus officium pertinebunt.

Processus de Vita S. Yvonis tom. 4. Maii pag. 566 :

Et in Maleta quam portabat retro se ligatam, erant multæ litteræ.

Vide Maletus et Malleta.