MALETOLLETTUM, Maltolettum, Tributum quodvis, quælibet exactio. Pactum inter Venet. et Ferrar. ann. 1230. apud Murator. tom. 4. Antiq. Ital. med. ævi col. 365 :

Et similiter Ferrarienses et omnes alii, qui voluerint, possint ipsam blavam et legumina Venetias deferre,... sine aliquo banno vel impedimento, seu aliquo datio, teloneo vel Maletolletto.

Aliud inter Raven. et Ferrar. ann. 1221. ibid. col. 435 :

Et quod nullum toloneum sive Maltolettum, excepto de sale, auferatur Ferrariæ. Mantouste,

eodem intellectu, pro Mautouste, in Lit. ann. 1262. tom. 2. Ordinat. reg. Franc. pag. 343. Mautoulu, in Consil. Petri de Font. cap. 12. art. 3. quod per vim et contra jus sublatum est. Vide supra Maleablatum.