MALLEUS 1, Glossarium mediae et infimae latinitatis, Du Cange et al.

MALLEUS 1, MALLEUS 2, MALLEUS 3, MALLEUS 4.

« 1 malleus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 198b. http://ducange.enc.sorbonne.fr/MALLEUS1

1. MALLEUS, inter arma dimicantium : Clava forte, vel potius gladius ipse. Gesta Philippi III. Fr. Reg. ann. 1279 :

In quodam illorum tyrociniorum Comes Clarimontis... armorum pondere prægravatus, et Malleorum ictibus super caput pluries et fortiter percussus in amentiam decidit.

Quid sit Malleus haud obscure innuunt. Lit. remiss. ann. 1384. in Reg. 125. Chartoph. reg. ch. 104 :

Lui osta ou fist oster par ceulx qui en son aide furent venuz un baston, nommé Mail de plonc.

Vide supra Mailhetus. Hinc

Malleare, Malleo seu gladio dimicare. Sallas Malaspinæ lib. 3. Rer. Sicul. apud Baluz. tom. 6. Miscell. pag. 273 :

Ex hoc quidem vulnere se in altum dextrarius erigens sessorem casualiter excussit ad terram, quem illico ribaldi excutum arma innumeris ictibus Mallearunt.

Willel. Britto lib. 11. Philipp. :

... Dum multiplici latus undique Malleat ictu

Hostilis rabies.

Mailler, pro malleo seu clava percutere. Le Roman de la Rose MS. ubi de viro qui uxorem suam fuste cædit :

Ains fiert et frape et roille et Maille,

Et cele bret, crie et baaille.

Vide Martus.

les Bénédictins de St. Maur, 1733–1736.

Malleare, Malleo contundere. Lambertus in Hist. Comitum Ardensium apud Ludewig. tom. 8. Reliq. MSS. pag. 566 :

Sed cum per angustissimam semitam ad sonitum proditorum in quercum Malleantium, quasi ad sonitum asciæ rustici quercum abscindentis, solus cum solo properaret, etc.

Vita B. Lidwinæ tom. 2. Aprilis pag. 314 :

Sane igitur Lidwina... mira Domini dispensatione, sub manu summi fabri adhuc Malleanda.

Adde Vitam S. Bernardini tom. 5. Maii pag. 284. et Chr. Petri Azarii apud Murator. tom. 16. col. 390.

P. Carpentier, 1766.

◊ Nostris Mailler et Maller. Joan. de Trokelowe in Annal. Eduardi II. reg. Angl. pag. 26 :

Adeo ut lancearum cuspidibus ex omni parte sui corporis applicatis, impingentibus hinc inde diversis, ad terram prosternitur, et caput ejus clavis hostium undique Malleatur, donec animam cum sanguine suo pedibus equinis exalaret.

Le Roman du Chevalier Délibéré MS. :

Tant ont féru et Maillé

Chacun d'eulx, sans faire reprinse,

Que le plus sain fu meshaigné.

Mirac. MSS. B. M. V. lib. 1 :

N'i a celui qui ne l'assalle,

Cascuns le fiert, cascuns le Malle, etc.

Lit. remiss. ann. 1471. in Reg. 197. Chartoph. reg. ch. 110 :

Icellui le Douche s'eforça de prandre le suppliant à la gorge et le vouloir Maller.

Ubi Maller proprie est Molestiam inferre, multare. Vide in Malleus 1. et Marritio.

les Bénédictins de St. Maur, 1733–1736.

Malleatio, Mallei percussio. Epistola Innocentii IV. PP. apud Mabill. Supplem. Diplom. pag. 101 :

Nuper siquidem contigit alterum bullæ nostræ typarium, quo veneranda videlicet Apostolorum Petri et Pauli capita exprimuntur, jam attritum innumeris Malleationis diutinæ percussuris, etc.

Mallei Joviales. Saxo Grammaticus lib. 13. Hist. Danicæ pag. 236 :

Magnus inter cætera trophæorum suorum insignia, inusitati ponderis Malleos, quos Joviales vocabant, apud insularum quandam prisca virorum religione cultos in patriam deportandos curavit. Cupiens enim antiquitas tonitruorum causas usitata rerum similitudine comprehendere, Malleos, quibus cœli fragores fieri credebat, ingenti ære complexa fuerat, aptissime tantæ sonoritatis vim machinarum fabrilium specie imitandam existimans.

Vide Grimm. Mythol. Germ. pag. 122.

Malleus Thoronis. Vide Monumenta Danica Olai Wormii lib. 1. pag. 93. Janus Dolmerus ad Jus Aulicum Norvegicum vetus pag. 499 :

Antiquissimus hic Septentrionalium mos fuit, signo aliquo Conventum indicere. Sic apud Islandos adhuc gentiles Conventus habendi signum Cestra et Malleus Jovis, Hamar Thors. Sed post annum millesimum, cum jam in fidem Christianam jurassent, Crux lignea adhibebatur, quam quilibet Colonus ad suum vicinum perferret, causa et loco Conventus indictis, cujus signi intermissi aut neglecti certa pœna daretur.

Vide Stephanium ad Saxonem pag. 250. Et Grimm. Antiq. Jur. Germ. pag. 162.

« 2 malleus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 198c. http://ducange.enc.sorbonne.fr/MALLEUS2

2. MALLEUS, f. pro Moletrina papyracea, Gall. Moulin à papier, quia malleis linteorum quisquiliæ conteruntur et macerantur, unde conficitur charta nostra vulgaris. Charta Roberti Comit. ann. 1284. apud Baluz. tom. 2. Hist. Arvern. pag. 134 :

Nec permittemus ædificari a nobis seu ab aliquo alio aliquod molendinum batiffol seu gaus seu Malleos infra confines superius nominatos.

Alia ejusdem Roberti ann. 1285. ibid. pag. 135 :

Quæ eadem universa et singula præmissa nos eisdem religiosis et eorumdem ecclesiæ donavimus... ad tenendum et possidendum ut rem suam perpetuo, ad ædificandum et reædificandum, Malleos et piscarias quascumque ad piscandum.

« 3 malleus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 198c. http://ducange.enc.sorbonne.fr/MALLEUS3

3. MALLEUS, Equorum morbus, de quo multa Vegetius lib. 1. Artis veterin. cap. 2. et seq. Adde lib. 3. cap. 23. et Meursium in Μάλις.

« 4 malleus » (par L. Henschel, 1840–1850), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 198c. http://ducange.enc.sorbonne.fr/MALLEUS4

4. MALLEUS, Diabolus, apud Gregor. M. tom. 1. pag. 1125. et S. Hieron. Vide Grimm. Mythol. Germ. pag. 559.