MALTRA, Glossarium mediae et infimae latinitatis, Du Cange et al.

« Maltra » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 201c. http://ducange.enc.sorbonne.fr/MALTRA

MALTRA, Maltrum, Maldrus, Maldrum, Malter, promiscue, Mensura Germanica, continens quatuor modios, Germ. Malter halt mut : modius vero seu mut, comprehendit quatuor quartales. Ita Vadianus et Goldastus. Eckeardus junior de Casib. S. Gall. cap. 1 :

De tarra avenis centum Maltrorum.

Charta Henrici Imp. ann. 1114. in Actis Murensib. pag. 32 :

Unum Maltrum de frumento, et unum fritschingum, et unum siclum de vino.

Eadem Acta pag. 37 :

Debet singulis annis dare 4. Maltra de spelta, et 6. de avena.

Occurrit iterum pag. 56. Adde Ottonem de S. Blasio cap. 47. et Histor. Lotharing. tom. 1. col. 416.

les Bénédictins de St. Maur, 1733–1736.

◊ Ne cui vero negotium exhibeant Instrumenta quædam, in quibus Maltra minoris mensuræ memoratur, observandum aliam fuisse publicam, quæ major ; aliam claustralem, quæ Ecclesiasticorum erat, eaque minor : hujus quæ fuerit capacitas discere est ex Cod. MS. Consuetud. Eccl. Colon. fol. 11 :

Canonici majoris Ecclesiæ habebunt annuatim ad album panem... 900. Maldra et 78. Maldra tritici..... 50. parvi partes albi fiunt de Maldro tritici mensuræ Coloniensis... de ista summa solvet Vrisheim 500. modios tritici qui faciunt 300. Maldra claustralis mensuræ.

Erat præterea Maldrum parvum cujus mentio fit in iisdem Consuetud. 90 :

Maldra parva faciunt 152. Maldra claustralis mensuræ 50. modii siliginis faciunt 112. maldra et dimidium maldrum.

les Bénédictins de St. Maur, 1733–1736.

Maldre. Sigefridi Comitis Palat. Rheni Litteræ apud Tolner. Histor. Palat. inter Instr. pag. 33 :

Cum vero invitatus venerit, subscriptum tantum servitium a fratribus habebit, duo Maldre ad panem vespere et unum mane, ad pabulum equorum decem Maldre hyeme, quinque æstate.

Maldrum et Maldrus, apud Cæsarium lib. 4. cap. 6. lib. 10. cap. 17. et 47. in Concilio Coloniensi ann. 1260. can. 11. et in Charta Friderici I. Imp. ann. 1152. pro Ecclesia Marsnensi apud Miræum in Donat. Belgic. pag. 444. Chronic. Wormat. ad ann. 1272. apud Ludewig. tom. 2. Reliq. MSS. pag. 130. Rerum Mogunt. tom. 2. pag. 328. et 329. Summula Raimundi :

Usuram facio si marcam præsto per annum

Pro pullis, vel pro Maldro pisæ, vel avenæ.

Ante diem messis nummos poteris dare tali

Conditione, quod certo tempore Maldra

Tot reddam tibi, quot poterit tua summa valere.

Vide Vitam Balduini Lutzemburg. lib. 3. cap. 1.

Maldrus. Polyptychus S. Remigii Remensis :

Census de Marsna de 6. molendinis, centum Maldros, etc.

Infra :

De camma 132. Maldr. de questu cervisiæ..... ad Natale Domini 18. Maldr. avenæ de obb.

Charta Lotharii III. Imp. ann. 1131 :

Duos Maldros panis, quatuor oves, et amam vini Abbas habebit.

Adde Acta SS. tom. 1. Junii pag. 527.

P. Carpentier, 1766.

Maltrus, ut Maltra, Mensuræ Germanicæ species, seu Præstatio frumentaria, quæ ad hanc mensuram fit. Locus est supra in Malcidus.

Maldarius. Charta Henrici Comitis Namurcensis et Luxemburg. ann. 1182 :

Ea conditione, quod singulis annis septem Maldarios annonæ eidem Ecclesiæ teneantur respondere.

Maldarium, in veteri Charta apud Cornelium Kempium lib. 2. cap. 11 :

Quinque Maldaria panum siliginis, Maldarium tritici, etc.

les Bénédictins de St. Maur, 1733–1736.

Maldrarium. Acta S. Adalheidis tom. 1. Febr. pag. 713 :

Distribuebatur spinda, ut loquuntur, duodecim Maldrariorum tritici.

Malter et Malder, in Tabulis Anselmi Abbatis Lauresham. apud Freherum in Orig. Palat. in ipso Chronico Lauresham. pag. 84. in Chartis Alemann. apud Goldastum ch. 12. 49. 69. 79. 83. et 84.

Maltare, apud Conradum Usperg. in Philippo, et Suenonem pag. 325. Charta ann. 1374. apud Ludewig. tom. 1. Reliq. MSS. pag. 389 :

Duodecim Maltaria siliginis, minus duobus modiis Hertzbergensis mensuræ, et quindecim Maltaria avenæ Muckowensis mensuræ.

Maldrata, Quantum Maldra continet. Speculum Saxon. lib. 2. art. 16. § 4 :

Quando præco Judici mulctam demeretur pro eo, quod eum super suo neglexerit judicio, tunc mensuram Regis, id est, Maldratam pro mulcta præstet, quæ in triginta duobus virgæ quercinæ viridis duorum cubitorum longitudine verberibus noscitur comprehensa.

Charta ann. 1276. apud Ludewig. tom. 1. Reliq. MSS. pag. 114 :

De ipso molendino sedecim Maldratas siliginis mensuræ Belgerensis annis singulis ministrabit.

les Bénédictins de St. Maur, 1733–1736.

Maldredum, in Charta ann. 1205. apud Ludewig. tom. 1. Reliq. MSS. pag. 25 :

Eidem Ecclesiæ octo Maldreda frumenti advocatialis quæ nobis annuatim de eadem solvebantur curia, contulimus.