« »
 
MANCA 1, MANCA 2, MANCA 3, MANCHA 1, MANCHA 2.
[]« 1 manca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 206c. http://ducange.enc.sorbonne.fr/MANCA1
1. MANCA, pro Marca, seu certo auri et argenti pondere. Willelm. Malmesb. lib. 2. de Gestis Angl. :
Ad omnes principales sedes librum hunc suo jussu conscriptum se velle transmittere, cum pugillari aureo, in quo esset Manca auri.
Glossarium vetus Anglican. circa tempora Edw. III. [] exaratum,
Mancam sive mantam auri, triginta denariorum
fuisse tradit. Lambardus mancusam et marcam, (quæ verba idem sonant cum manca) nummum argenteum 30. valentem denariis interpretatur. Verum jure in dubium vocat Somnerus, an Manca et Mancusa nummus aut percussa moneta fuerit, cum probabilius sit, fuisse auri aut argenti quid certo quodam pondere constans, qua notione marcam vulgo accipimus, cujus valor tam in auro quam argento crescit aut minuitur pro ratione valoris monetæ, qui ut plurimum pro nutu et libito Principum minuitur aut augetur. Atque inde fit, ut in Legibus Henrici I. cap. 69. manca sex solidis æstimetur, quinis nimirum denariis ad solidum : in Lege Adelstani Reg. cap. 6. 30. denariis ; mancusa vero apud Willelmum Thorn pag. 1776. in Variantibus Lect. pondus 2. solid. et 6. denar. dicatur. Occurrit in Legibus et Scriptoribus Anglicis passim. Vide Monastic. Anglic. tom. 2. pag. 266. et infra Mancusa.
les Bénédictins de St. Maur, 1733–1736.
◊ Somneri sententiam firmare licet ex Testamento Byrhtrici apud Hickesium pag. 52. ubi armillæ aureæ pondus ad 80. Mancas æstimatur :
Primum naturali domino suo Regi armillam auream quæ habet 80. Mancas auri.
Et infra :
Et dominæ suæ Reginæ armillam unam quæ habebat triginta Mancas auri... Præterea dedit eidem Ecclestæ.... unam torquem auream de quadraginta Mancis auri.
Manco. Liber mirabilis, seu Tabularium Abbat. Conchensis in Ruthenis ch. 19 :
Et in memoria census per singulos annos S. Petro Romæ Apostolo unum Manconem auri persolvant.
Nisi legendum sit Mancosum, ut in Charta 207.
© École des chartes.
[]« 2 manca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 207a. http://ducange.enc.sorbonne.fr/MANCA2
2. MANCA, Defectus, nostris Manque, Italis Mancanza. Urbanus II. PP. in Epist. ad Ivonem Carnotensem Episcopum :
Oves dominicas... absque morbo vel Manca perducere.
© École des chartes.
[]« 3 manca » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 207a. http://ducange.enc.sorbonne.fr/MANCA3
3. MANCA, f. Naviculæ piscatoriæ genus. Vita S. Oswaldi sæc. 5. Benedict. pag. 745 :
Totam simul piscariam Ramesensi Ecclesiæ contulit cum Mancis et costis piscatorum.
Vide Manciva.
© École des chartes.
[]« 1 mancha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 207c. http://ducange.enc.sorbonne.fr/MANCHA1
1. MANCHA, Idem quod Manca 1. Charta Henrici Reg. Angl. apud Madox Formul. Anglic. pag. 38 :
Si quis de hominibus suis in forisfactura mea justo judicio et causa aperta missus fuerit de xx. Manchis, adquietet se ante judicium per vi. denarios, et post judicium per xii. denarios.
© École des chartes.
[]« 2 mancha » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 207c. http://ducange.enc.sorbonne.fr/MANCHA2
2. MANCHA, a Gallico Manche, Manica. Pro Manchis dominæ comitissæ, etc. in Comput. ann. 1244. MS.
© École des chartes.