1. MANUALITER Pugnare, Manus conserere, cominus pugnare, Gall. En venir aux mains. Bartholomæi Scribæ Annal. Genuens. ad ann. 1224. apud Murator. tom. 6. col. 436 :

Imo, quod non est prætermittendum, gens nostra, dimissis portis ipsius villæ apertis, in occursum inimicorum foras exibant, et Manualiter cum eis pugnabant.

Sallas Malaspinæ lib. 4. Rer. Sicul. apud Baluz. tom. 6. Miscell. pag. 298 :

Sane utrinque magna erat aviditas confligendi et tanta quippe quod modo milites, modo pedites Manualiter singulari concertatione se jungunt.