1. MANUTENERE, Asserere, partes alicujus tueri, Gallis Maintenir. Habetur hæc vox in Epistola Eleutherii PP. ad Lucium Regem Britann. ann. 169. conscripta, si genuina est, quod in dubium jure vocatur. Matth. Paris :

Archiepiscopum contra me Manutenere præsumunt.

Charta pacis inter Philippum Franc. et Joannem Angl. Reg. ann. 1200. apud Duchesn. in Norman. :

Et si ideo Comes Flandriæ... ipsi Regi Franciæ malum vellet facere, nos non possemus contra dominum Franciæ juvare vel Manutenere, etc.

Adde Chron. Parm. apud Murator. tom. 9. col. 821. in Statut. Massil. lib. 4. cap. 12. Vide Manutenentia. Occurrit passim.