◊ Ut certis in habitu signis ab honestis feminis distinguerentur meretrices, variis statutis passim definitum fuisse reperire est. Tolosanis statutis præscriptum erat, ut capitis tegmen album cum tæniolis albis deferrent ; a quo signo ut liberarentur petierunt, cum Carolus VI. regnum auspicatus est ; qui Lit. ann. 1389. in Reg. 137. Chartoph. reg. ch. 81. iis indulget ut tantum deferre teneantur

entour l'un de leurs bras une enseigne ou différence d'un jaretier ou lisiere de drap, d'autre couleur que leur robe

. Severiora sunt in eas statuta Mantuæ Mss. lib. 1. rubr. 120 :

Ordinamus quod meretrices publicæ et quæ publice, sine personarum delectu et palam, se omnibus tradunt et sui corporis questum faciunt, in prostibulo et loco publico, illis per commune Mantuæ assignato, commorari teneantur ac debeant, et non in alio loco vel contrata civitatis Mantuæ ; et dum accedunt et vadunt per civitatem, teneantur portare super alios pannos unam clamydem brevem panni lini seu pignolati albi, cum uno sonalio a parte anteriori, pœna cuilibet contrafacienti, vice qualibet, qua contrafecerit, centum soldorum parvorum de facto auferendorum et communi Mantuæ applicandorum. Et quod dictæ meretrices et impudicæ mulieres non audeant vel præsumant accedere per civitatem diebus dominicis vel festivis ad aliquod festum solemne, nec ad aliquam ecclesiam seu aliquem locum, in quo congregatio pudicarum matronarum, dominarum et mulierum honestarum et pudicarum adesset.

Sed et ipsis, panem vel fructus venales tangere, nisi emerent, prohibent Statuta Avenion. ann. 1243. cap. 137. ex Cod. reg. 4659 :

Statuimus quod Judæi vel Meretrices non audeant tangere manu panem vel fructus, qui exponuntur venales ; quod si fecerint, tunc emere illud, quod tetigerint, teneantur.

Vide infra Mulier levis.

◊ Quæ hic uti infames habentur, de comitatu regio fuerunt, pensionibus etiam donisque dotatæ medium usque ad sæculum xvj. ut patet ex Comput. ærarii reg. ann. 1535 :

A Olive Sainte, dame des filles de joye suivant la cour du roy, 90. livres par lettres données à Watteville le 12. May 1535. pour lui aider et auxdites filles à vivre et supporter les dépenses qu'il leur convient faire à suivre ordinairement la cour.

Alius ann. 1539 :

A Cecile Viefville, dame des filles de joye suivant la cour 90. livres par lettres du 6. Janv. 1538. tant pour elle, que pour les autres femmes et filles de sa vacation, â départir entr'elles pour leur droit du 1. jour de May dernier passé, qui étoit dû à cause du bouquet qu'elles présenterent au roy ledit jour, que pour leurs estraines du 1. Janvier ; ainsi qu'il est accoustumé de faire de tout temps.

Eadem occurrunt annis 1540. 41. 42. 43. 44. et 46.