« »
 
MERITUM 1, MERITUM 2, MERITUM 3, MERITUM 5, MERITUM 6.
[]« 1 meritum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 355c. http://ducange.enc.sorbonne.fr/MERITUM1
1. MERITUM, Proventus, Profits. Schol. Juvenal. Sat. 5. de Calpurnio Pisone :
Post consulatum materna hæreditate ditatus, magnificentissimus vixit, Meritis sublevare inopes ex utroque ordine solitus.
Passio SS. Nicandri et Marciani :
Maximus Præses dixit : Merita dignitatis nostræ ut quid non accipitis ? Sanctus Nicander respondit : Merita dignitatis vestræ ideo non accipimus, quia pecunia impiorum contagium est viris Dominum colere institutis.
Charta Dagoberti Regis Franc. apud Doubletum pag. 674 :
Villam cui nomen est.... cum omni integritate vel Merito.
Et alia Pipini Regis apud eumdem pag. 699 :
Hoc est foresta nostra, cognominante Æqualina, cum omni Merito et soliditate sua, quidquid ab ipsa silva aspicere vel pertinere videtur.
Charta ann. 654. apud Miræum tom. 1. pag. 7 :
Cum omni Merito suo vel adjacentiis, seu aspicientiis ipsius villæ.
Formulæ veteres Pithœi MSS. cap. 96 :
Cum..... adjacentiis, appenditiis, et omni Merito et termino suo ibidem aspiciente.
Cap. 101 :
Unde accepimus a vobis pro ipsa vinea, sicut inter nos bene complacuit atque aptificavit, hoc est, in argento et in alio Merito solidos tantos, etc.
Vide Chartas Chlodovei III. Reg. Franc. in Actis SS. Ord. S. Bened. tom. 4. pag. 617. et Chilperici apud Meurissium pag. 146. Formulam 27. ex Baluzianis, etc.
Meritum Accolanarum, in Formul. 62. inter Lindenbrogianas.
Tærræ Meritum, Terræ proventus. Charta ann. 1251. in Bibl. Colbert. tit. de Episcopatu Carcas. :
Dominationes et dominium et cætera terræ Merita, bona et jura, etc.
Charta Mali Gaulini Comitis Impuriarum ann. 1319. in Camera Comput. Paris. qua vendit Sancio Regi Majoricarum castrum de Rupe :
Et taschas, agraria, quartos, quintos, et alia terræ Merita, et directa ac utilia dominia, etc.
Occurrit in aliis Chartis Petri, Jacobi Regis Arag. filii, Comitis Impuriarum et Rippacurciæ ann. 1336.
les Bénédictins de St. Maur, 1733–1736.
Merita Militaria, Annona militibus præstanda, in l. 16. jubemus. C. de erogat. milit. annon. lib. 12. tit. 38.
Malum Meritum, Damnum. Pactum inter Gregorium VII. PP. et Principem Beneventanum lib. 1. post Ep. 18 :
Vel si per se aut per suppositam personam... studuerit qualicunque modo aut ingenio reddendi malum Meritum aut damnitatem cuilibet, etc.
les Bénédictins de St. Maur, 1733–1736.
Meritum, Crimen, delictum. Vita S. Gurthierni in Chartular. Quemperleg. :
Quadam autem die quidam venator ad illum locum venit, et videns juvenem sedentem et orantem sine intermissione super petram, interrogavit eum et dixit : [] cur hic, fili, habitas ? et respondit juvenis : Meritum meum mihi fecit ; et juravit illi nulli se dicturum.
Qui juvenis sororis suæ filium occiderat, atque eam ob rem pœnitentiam agebat.
Meritum, Pretium. Lex Wisigothor. lib. 8. tit. 4. § 13 :
Alium ejusdem Meriti domino reformare cogatur.
Adde lib. 9. tit. 1. § 6. Legem Bajwar. tit. 8. cap. 18. § 2. tit. 14. cap. 1. etc.
© École des chartes.
[]« 2 meritum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 356a. http://ducange.enc.sorbonne.fr/MERITUM2
2. MERITUM, Donum, quod in venditionibus cessionibusve iis, qui venditionem aut cessionem gratam habebant, concedebatur, seu munus ultra pretium rei venditæ datum ; quod Launechilde dictum fuisse observatum est in hac voce. Charta ann. 1109. apud Lamium in Delic. erudit. inter not. ad Hodoepor. Charit. part. 3. pag. 1120 :
Pro qua mea venditione et traditione recepi Meritum ab Gherardo abbate et rectore supra scriptæ ecclesiæ, unum par pellium in præfinito.
Alia ann. 1198. ibid. pag. 1193 :
Pro qua donatione ego Symeon profiteor me recepisse Meritum seu launelchild a supradicto patre tuo Sardo, anulum aureum in præfinito.
Pactum inter Gerard. comit. et Atton. archiep. Pisan. ann. 1120. apud Murator. tom. 3. Antiq. Ital. med. ævi col. 1138 :
Unde præfatus vicedominus fecit ei Meritum spatam unam.
Charta ann. 1129. ibid. col. 1146 :
Unde ipse Rogerius archiepiscopus fecit ei Meritum anulum aureum, ut magis omni tempore prædicta finis et transactio atque refutatio firma et stabilis permaneat atque persistat.
© École des chartes.
[]« 3 meritum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 356a. http://ducange.enc.sorbonne.fr/MERITUM3
3. MERITUM, Corpus alicujus sancti, vel illius pars quælibet, ejusdem reliquiæ. Hist. translat. S. Baudelii inter Probat. tom. 1. Hist. Nem. pag. 4. col. 2 :
Cernebatur ferri geminas sanctorum fredas, quarum alia habebat Merita S. Baudelii martyris, altera vero Pauli et Amantii confessorum Omnipotentis.
Inventar. S. Capellæ Paris. ex Reg. sign. Noster Cam. Comput. fol. 196. v° :
Le Merita d'une des onze mille Vierges, et le repositoire et le pié.
Porro extant in S. Capella duæ sacrarum reliquiarum thecæ, in quarum una mentum S. Ursulæ ; in altera, ad modum capitis efficta, ejusdem sanctæ os capitis asservatur.
© École des chartes.
[]« 5 meritum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 356a. http://ducange.enc.sorbonne.fr/MERITUM5
5. MERITUM, Ratio, argumentum. Instr. ann. 1385. tom. 5. Cod. diplom. Polon. pag. 81. col. 2 :
Prædictarum causarum Meritis longa deliberatione pensatis, etc.
© École des chartes.
[]« 6 meritum » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 356a. http://ducange.enc.sorbonne.fr/MERITUM6
6. MERITUM, Ipsa merces, aut præmium, quod pro merito datur, Ital. Ricompensa, Gall. Prix, paiement. Stat. Bonon. ann. 1250-67. tom. III. pag. 539 :
Item ordinaverunt et providerunt predicti, quod dominus Meçovillanus bonzagni et dominus Rovixius merçarius, qui prefuerunt officio bladi... pro Merito laboris eorum, quem... sustinuerunt in dicto officio... quilibet eorum habeat... quindecim libras bononinorum.
Fr.
© École des chartes.