« »
 
[]« 1 meta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 368b. http://ducange.enc.sorbonne.fr/META1
1. META, Acervus segetum, congeries vel strues in acutum tendens, vox Catoni nota cap. 46. Hesychius :
Θημονιαί, οἱ σῶροι τῶν δραγμάτων.
Gregorius Tur. lib. 4. Hist. cap. 41 :
Acceptisque clavibus Metas annonæ quæ aderant, elidit.
Aimoinus lib. 2. de Miraculis S. Benedicti cap. 9 :
Acervos frugum, quem Metam vulgo dicimus.
Flodoardus lib. 1. Hist. Remens. cap. 17 :
Quid ille... facere vellet ex his quas aggregaverat Metis :
supra, acervos frugum appellavit. Guibertus lib. 2. Hist. Hierosol. cap. 8 :
Cum enim plurimorum annorum segetes triticeos, uti in ea terra moris est, in modum turrium per agros stabilitas cernerent, quas nos Metas vulgariter vocare solemus, etc.
Sic etiam legendum in Vita S. Gallæ n. 6 :
Suspicor, tres aviculæ... super tres [] Metas, quæ ex ipsa segete sua fuerant factæ, consederunt.
Editum molas, quæ vox hic nihil sonat. Picardi nostri Maye et Moies ejusmodi acervos vocant.
les Bénédictins de St. Maur, 1733–1736.
◊ Meta enim dicitur terminus ad instar Metæ fastigiatus. Frontinus de coloniis :
In campis vero statuerunt terminos cursorios, spatulas vel Metas assignatas.
Hinc quilibet terminus ac finis eadem voce significatur : quod et Latinis notum est.
les Bénédictins de St. Maur, 1733–1736.
Metaliter, apud Mart. Capellam lib. 7 :
Umbra metaliter jacetur ;
hoc est, instar metæ fastigiata.
© École des chartes.