2. MINISTRALES Nunciorum, Qui nuntia perferebant habebant quidem proprios Ministrales, qui eligebantur inter sese per suffragia coram potestatis judice, vel tabellione ; bimestre erat eorum officium, nec in eodem anno iterum sumere fas erat. Ipsis sociorum disciplinæ cura data erat. Stat. Bonon. ann. 1250-67. tom. III. pag. 92 :

Et addimus quod Ministrales Nunciorum... debeant eligi ad brevia inter eos coram judice potestatis, vel ejus notario ; et predicti Ministrales debeant mutari singulis duobus mensibus, et qui semel fuerit Ministralis non amplius in eodem anno possit esse ;

et tom. I. pag. 227 :

Et si ero Ministralis Nuntiorum bona fide inquiram socios meos, et scrutabor de exercitio offitii sui, et si aliquem invenero delinquentem contra suum officium potestati eodem die manifestabo, et potestas publice in consilio dicere teneatur.

Fr.