MIRANDA, Locus tecto columnis fulto coopertus, et a quo undequaque mirari seu videri potest. Charta ann. 1152. inter Probat. tom. 2. Hist. Occit. col. 541 :

Dono tibi Bernardo de Congusto et infantibus tuis unum localem ad ædificandum in castello meo, quod vocatur Villafort, qui locus est juxta Mirandam, quæ hodie est in eodem castello.

Alia ann. circ. 1190. in Chartul. Buxer. part. 8. ch. 3 :

Minori nepti meæ Clemenciæ dedi plantam, quæ est retro Mirandam, debentem viij. den. censuales.

Tabul. Auxit. :

Archiepiscopus cum canonicis Auxitanis in Miranda archiepiscopali constitutis capitulum facientibus, etc.