MISEVENIRE, Male evenire, male succedere, Galli Mesavenir dicunt. Italis Misvenire. De eo potissimum usurpatur, qui de murdro vel adulterio accusatur, seque purgare, et culpa liberare satagens, non valet, sed in purgatione deficit. Leges Kanuti Regis cap. 78. apud Bromptonum :

Et si compellatio sit, et in emendando Miseveniat, sit in Episcopi potestate, et ipse graviter judicet.

Eadem habentur cap. 83. et in Legibus Henrici I. cap. 92. extremo.