MISSORIUM, Lanx, seu discus. Glossæ antiquæ MSS. : Fercula, Missoria. Gloss. Arabico-Lat. : Discum, Missorium. Papias : Lances, vasa quibus sacrificatur, Missoria. Vide eumdem in voce Vas. Glossæ Isidori : Lancibus Missoriis. Papias et ex eo Will. Brito in Vocabular. MS : Ferculum dicitur mensa seu discus edentium, alias vasculum Missorium in quo epulæ feruntur. Missorium, Mensorium dicitur a mensa, vas scilicet parvulum, quod in mensa ponitur. Joan. de Janua : Missorium, concha modica, ubi aliquid liquoris immittitur, et dicitur a mitto. Auctor Mamotrecti ad Cantic. cap. 3 :

Ferculum, mensa sive discus edentium, et vasculum Missorium in quo epulæ feruntur.

Gregor. Turon. lib. 6. cap. 2 :

Ibique nobis Rex Missorium magnum, quod ex auro gemmisque, fabricaverat, in 50. librarum pondere ostendit, etc.

Adde lib. 7. cap. 4. Hist. Episc. Autisiod. cap. 20 :

Dedit et alium Missorium similiter anacteum gravellatum :

ubi leg. granellatum, granis interstinctum. Hist. Translat. S. Sebastiani n. 64 :

Præter monilia virorum, atque mulierum, Missoria quoque diversi ponderis, aliaque vasa.

Fortunatus in Vita S. Germani Paris. cap. 13 :

Incidens aurata Missoria, argentea vasa comminuens, etc.

Idem in Vita S. Radegundis cap. 19 :

Missorium : cochleares, cultellos, cannas, potum, etc.

Occurrit passim, in Testamento S. Remigii Episc. Remensis, in Testamento Ermentrudis Liturgiæ Gall. pag. 463. in Chron. S. Benigni pag. 385. apud Fredeg. in Chron. cap. 74. Flodoardum lib. 1. cap. 4. lib. 2. cap. 5. Aimoin. lib. 3. Hist. cap. 16. 58. l. 4. cap. 25. Monach. Autisiod. pag. 66. Reginonem ann. 605. Ennodium Epigr. 18. etc. Mez eadem notione dixerunt nostri. Litteræ Johannis Reg. Fr. ann. 1362. tom. 3. Ordinat. pag. 584 :

Et chascune acouchiée dudit Hostel-Dieu doit avoir un Mez entier.