MOLARIS, Colliculus, aliqua terræ congeries, rusticis Dumbensibus etiamnum Molard. Charta Humberti de Miribel ann. 1086. apud Joan. Columbum lib. de Cartusianorum initiis :

Ipsa vero, quam eis dedimus, eremus, hos habet terminos, scilicet infra locum qui vocatur Clusa, et rupem claudentem vallem, et pertingentem usque ad Molarem claudentem et dividentem Combam caldam,... deinde Molarem alium, qui descendendo perducitur per crepidinem plataneti, etc.

Charta Amedei Comitis Sabaudiæ ann. 1360. apud Guichenonum in Episcopis Bellicensib. pag. 59. 60 :

Usque ad summitatem montis de Les Aux, et a dicto Molari de Les Aux, recte tenendo usque ad Molare d'Armont, etc.

Mox :

Usque ad crestatam seu summitatem cujusdam Molaris vocati de Escrini.

Vide Molare 2.