MOLTARIUS, Molterius, Qui moltæ seu pensitationi pro molitura frumenti obnoxius est. Charta Phil. Pulc. ann. 1300. in Lib. rub. Cam. Comput. Paris. fol. 494. r°. col. 2 :

Si inter dictum militem aut ejus heredes vel causam habentes ab eo, et homines bannerios seu Moltarios ipsius medietatis molendinorum, occasione moltæ ejusdem medietatis vel pertinentiarum ejusdem, contingat oriri querelam, etc.

Alia ann. 1308. in Reg. 40. Chartoph. reg. ch. 48 :

Si inter dictum Robertum .... et homines bannerios seu Molterios ipsorum molendinorum, occasione moltæ eorumdem, etc.

Alia Ludov. X. ann. 1315. in Reg. 56. ch. 164 :

Quod si inter religiosos prædictos seu causam habituros ab ipsis et homines bannerios seu Moltarios molendinorum prædictorum, occasione moltarum.... oriri contingat querela, etc.

Vide infra Monancius.