2. MORSUS, Fibula, Fermail. Morsus fibulæ, apud Tertull. lib. de Pallio cap. 6. Virgil. lib. 12. Æneid. :

.... et laterum juncturas fibula mordet.

Sidon. in Panegyr. Anthemii Carm. 2 :

Fibula mordaci refugas a pectore vestes

Dente capit.

Et Carm. 5. in Panegyr. Majoriani :

Ostricolor pepli tentus, quem fibula torto

Mordax dente vorat.

Matth. Paris. ann. 1250 :

Firmaculum, quod vulgariter Morsus dicitur, avulsit.

Idem in Vitis Abbatum S. Albani :

Capam unam purpuream, Morsu et tassellis carissimis redimitam.

Historia Hildensis Monasterii in Anglia :

Cruces quinque, scrinia decem, textus totidem, auro, argento, gemmisque pretiosos, cum Morsibus capparum aureis excrustavit.

Visitatio Thesaurariæ S. Pauli Londinensis ann. 1295 :

Capæ Roberti le Moyne de cendato afforciato albo, cum margaritis ante, loco Morsus.

Adde Monasticum Anglic. tom. 3. pag. 173. 309. part. 2. pag. 83. ubi varii Morsus describuntur. Statuta MSS. artificum Paris. tom. 1 :

Quiconques veut estre attacheur à Paris, c'est assavoir, faiseur de clouds pour clouer, boucles, Mordans, et membres sur courroies, etc.

Vide Oct. Ferrarium in Orig. Ital. v. Morsi. MS. :

La bougle d'un pierre fu

Qui ont grant force et grant vertu....

D'une pierre estoit li Mordens

Qui garissoit du mal des dens.