MUSCHETA, Mosquea, Templum Mahumetanum. Will. Apul. lib. 3. Rer. Norman. :

Glorificansque Deum, Templi destruxit iniqui

Omnes structuras, et quæ Muscheta solebat

Esse prius, Matris fabricavit virginis aulam :

Et quæ Machameti fuerat cum dæmone sedes,

Sedes facta Dei, fit dignis janua cæli.

Bernardus de Breydenbach in Itinerario Terræ Sanctæ :

His diebus quibus in Muschetis congregantur, et quando præcipuas habent solemnitates, etc.

Idem :

Juxta illud templum modernus Soldanus novam edificavit ecclesiam sive Muschteam.

Caffari Annal. Genuens. lib. 1. apud Murator. tom. 6. col. 252 :

Saraceni namque illico arma et alia dimiserunt, et ad Muschetam eorum fugere incœperunt.

Occurrit ibid. non semel. Nicolaus Huen in Itinerario Hierosol. :

A la maison S. Anne a une tres belle Eglise en l'honneur d'elle fondée : mais ils en ont fait une Musquette.

Vide Moscheda.