MUSCHETTA, Telum quod balista validiori emittitur, apud Sanutum lib. 2. part. 4. cap. 22 :

Potest præterea fieri quod hæc eadem balistæ tela possent trahere quæ Muschettæ vulgariter appellantur.

Hist. Cortusior. lib. 2. apud Murator. tom. 12. col. 795 :

Alia tertia pars immediate balistas suas ponderet cum Muschettis, et quod telis etiam sagittet.

Joan. Villaneus lib. 10. cap. 21 :

Molti ne furo feriti e morti di Moschetti, e di balestri di Genovesi.

Guill. de Guignevilla in Peregrinatione hominum :

Ne nuls tels dars ni puet meffaire,

Combien que on i sache traire,

Malevoisine des sajettes,

Ne espringalle ses Mouchettes.

Hinc fortasse nostris sclopetariæ machinæ, Mousquets : nam ut a falconibus venaticis machinas tormentarias Falcones et falconia appellarunt ; ita et Muschetas, quo nomine dicuntur sparvarii masculi, vulgo Mouchets : Germanis vero Sprintz unde Springalles, et Espringales, ejusmodi machinæ, quibus emitti muschetas innuit Guignevilla, ut auctor est Oct. Ferrarius in v. Smeriglio. Espringalarum meminit Chronicon Flandriæ cap. 110. extremo, et alii passim. Vide Gloss. Græc. Barb. in Μύα, et supra Moschetta.