« »
 
[]« Octalium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 027c. http://ducange.enc.sorbonne.fr/OCTALIUM
OCTALIUM, Mensura frumentaria. Literæ ann. 1266. apud Ludewig. tom. 2. pag. 234 :
Resignavimus... quinque Octalia siliginum et quintum dimidium solidum levium nummorum in Ketzelstadt, duo Octalia siliginum in Nidehornes, tredecim maldra caseorum et octo solidos levium in Buchen, etc.
Charta ann. 1266. apud Johann. Schannatum in Clientela Fuldensi pag. 290 :
In Ramfoldeshusen V. Octalia siliginis et quintum dimidium solidum levium numorum.
Necrologium Lucidæ-vallis inter Vindemias Schannati pag. 165 :
Clara de Berstein dabat Conventui unam amam vini et duo Octalia siliginis.
Charta ann. 1334. tom. 2. Rerum Mogunt. pag. 1001 :
Quatuor Octalia siliginis... quitamus, et emptores [] prefate curie absolvimus a solucione dictorum IV. Octalium mediantibus XIIII. marcis denariorum levium, habitis et receptis ab eisdem.
P. Carpentier, 1766.
◊ Rectius, Octale, Dimidia pars quartalis, ut colligitur ex Lib. sal. eccl. S. Th. Argent. fol. 116. ubi dimidium quartale appellatur, quod fol. 117. dicitur Octale siliginis. Vide Octava 4. Octuale et infra Witellus.
les Bénédictins de St. Maur, 1733–1736.
Octolia, Octolium, Eadem notione. Chronicon Bonæ-spei pag. 7 :
Donavit etiam... Oda soror ejusdem Gualteri terram ad quatuor Octolias sementis.
Et pag. 70 :
Alardus autem cum decem Octalias terræ prius ab avia sua donatas usurpasset, etc.
Rursum pag. 180 :
Anno 1248. cessimus Ludovico Vadial pro centum libris et undecim Octoliis et dimidio terræ in Morteri, domum, etc.
Quibus in posterioribus locis Octalia vel Octolium terræ, ager est capiens seminis Octolium.
les Bénédictins de St. Maur, 1733–1736.
Octolata Terræ, ibidem pag. 225 :
Emitque eodem anno... XXVI. Octolatas et XXIII. virgas terræ.
Pluries recurrit.
les Bénédictins de St. Maur, 1733–1736.
Octoliata. Charta ann. 1269. apud Miræum tom. 2. pag. 1238. col. 2 :
Item ad LXX. solidos Turon. quos habemus annuatim super XV. Octoliatis terræ sitis in territorio de Aubri.
les Bénédictins de St. Maur, 1733–1736.
Octarium, ut Octalium. Charta ann. 1154. tom. 2. Rer. Mogunt. pag. 751 :
Quatuor mansos LXIIII. frumenti Octaria singulis annis solventes, LXIII. marcis in Undenheim comparaverim.
les Bénédictins de St. Maur, 1733–1736.
Octilis, Eodem significatu. Chartularium 1. Monasterii Aquincinct. fol. 48 :
Dedimus XIV. solidos pro terra sementis trium Octilium.
les Bénédictins de St. Maur, 1733–1736.
Uteleia, Eadem notione. Idem Chartul. fol. 31 :
Terram ergo, quam de Herberto Scholastico S. Gaugerici ad terragium et ad redemptionem unius denarii ad unamquamque Uteleiam tenuerat, ei reddidit... tres scilicet obolos ad unamquamque Uteleiam.
Fol. 38 :
Donaverunt nostræ Ecclesiæ terras suas de Cortiz jure perpetuo possidendas ad censum VII. modiorum frumenti.... frumentum vero tale debet esse, ut unaquaque Uteleia ejus IV. tantum denariis vilior sit, quam Uteleia frumenti optimi.
Fol. 62 :
Item 1. Uteleiam terræ XX. sol. VI. Uteleias terræ L. sol.
les Bénédictins de St. Maur, 1733–1736.
Utele, vel Utelis. Idem Chartul. fol. 46 :
Emit jus agricolationis terræ IX. Utelium.... Dederunt nobis terram IX. Utelium ad decimam et terragium... Gerardus Blancus vendidit nobis jus agricolationis terræ unius Uteil et dimidii XVI. sol.
Fol. 62 :
Emit idem Walterus.... ex una parte terram XVIII. Uteils.
© École des chartes.