OCTAVA 2, Glossarium mediae et infimae latinitatis, Du Cange et al.

« 2 octava » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 028b. http://ducange.enc.sorbonne.fr/OCTAVA2

2. OCTAVA, Dies octavus a festo dominico, aut Sancti alicujus, quo tota solemnitas clauditur ; unde ἀπόλυσιν Græci appellarunt, ut ex Basilio Seleuciensi lib. 2. de S. Thecla cap. 18. observatum a viris doctis : qua quidem voce etiam utuntur pro fine cujuscumque officii Ecclesiastici, ut pluribus probat Leo Allatius de Dominicis et Hebdomadibus Græcorum cap. 7. Vide Glossar. med. Græcit. in Ἀποδίδοσθαι, col. 101. Solemnitas octavæ diei, apud Joannem Monachum in Vita S. Odonis Abbatis Cluniac. lib. 2. initio. Alcuinus de divin. offic. :

Octavæ quas hodie colimus, ideo reverenter celebrantur, quia primis diebus concurrunt sicuti unus dies dominicus ad alterum, qui eodem ritu celebratur.

Adde Amalarium lib. 4. de Eccl. offic. cap. 32. et 36. Rupertum lib. 8. cap. 5. Durandum lib. 7. cap. 1. n. 42. et Baronium ad Martyrologium. Corippus lib. 4. vers. 90. de Octava Natalitii Christi :

Lux Octava novo nascentis lumine Christi.

Frodoardus in Leone IV. PP. :

Octavam stabilit festi celebrarier almæ
Reginæ superi Regis sine more parentis.

P. Carpentier, 1766.

◊ Quod et in solemnioribus anniversariis locum habebat, ut discimus ex Lib. pitent. S. Germ. Prat. :

iii. Id. Maii. Anniversarium Odonis abbatis, etc. XIII. Kal. Jun. Octavæ Odonis abbatis.

Infra :

ii. Kal. Jun. Anniversarium domni Symonis abbatis, etc. VIII. Id. Jun. Octavæ Symonis abbatis, etc.

Quam vocem nostrates varie dixerunt :

Les Huitieves de la Chandeleur,

in Charta ann. 1271. ex mag. Pastor. Paris. Lib. rub. Cam. Comput. Paris. fol. 173. r°. col. 2 :

L'an de grace mil trois cenz et un, le Lundi après les Huitieves de la Chandeleur. Huittieve,

in Lit. ann. 1364. tom. 4. Ordinat. reg. Franc. pag. 491. art. 4. Reg. A. ejusd. Cam. fol. 128. r°. :

L'an de grace 1322. le Mercredi apres les Huytieme de feste S. Martin d'esté.

Chartul. S. Petri de Monte :

Ce fut fait l'an que li miliaires corroit par M. et CC. et LX. et XIII. ans, lou Lundi après les Eutaules de Pentecoste. Witave,

in Testam. Helvis. uxoris Joan. dom. de Insula ann. 1274. ex Tabul. Vallis N. D. :

Et vel que les devant dites dix livres soient prises et paiées au devant dit chapelain as Witaves de cheste Chandeleur prochaine à venir.

Adde Chartam ann. 1265. apud Marten. tom. 1. Ampl. Collect. col. 1122. Witive, in Ch. ann. 1330. ex Tabul. S. Martin. Pontisar.

Octava Infantium, Dominica in Octavis Paschæ. S. Augustinus serm. de Tempore 160. cap. 1 :

Hodie Octavæ dicuntur infantium, revelanda sunt capita eorum, quod est indicium libertatis.

Idem serm. 11. de Diversis, qui inscribitur De monitis baptizatorum :

Vos qui baptizati estis, et hodie completis sacramentum Octavarum vestrarum, infantes appellamini, quoniam regenerati estis, et ad vitam æternam renati estis.... reddendi estis populis, miscendi estis plebi fidelium.