OCULARIUM, Rima galeæ per quam quis videt, Gall. Oeillere. Rigordus ann. 1215 :

Occiditur... cultello recepto in capite per Ocularium galeæ.

Willel. Brito lib. 11. Philipid. pag. 235 :

............. fenestras

Per galeæ medias, quibus est Ocularia nomen,

Per quas admittit ocularis pupula lumen.

Idem supra :

Scrutatur thorace vias, galeæque fenestris

Qua ferro queat immisso terebrare cerebrum.

Matth. Paris ann. 1217 :

Irruit quidam de Regalibus, et per Ocularium galeæ caput ejus perforando, cerebrum effudit.

Ammianus lib. 25. initio :

Erant autem omnes catervæ ferratæ, ita per singula membra densis laminis tectæ, ut juncturæ rigentes compagibus artuum convenirent : humanorumque vultuum simulachra ita capitibus diligenter aptata, ut in bracteatis corporibus solidis ibi tantum incidentia tela possint hærere, qua per cavernas minutas, et orbibus oculorum affixas parcius visitur, vel per supremitates narium angusti spiritus emittuntur.