1. OFFRA, Præstatio, quæ a subditis regi vel domino offertur, oblatio, a Gallico Offre. Lit. Ludov. comit. Andegav. ann. 1369. inter Probat. tom. 4. Hist. Occit. col. 302 :

Nobis nomine regio facta fuit Offra seu oblatio de certa summa pecuniæ, etc.

Charta ann. 1387. in Reg. 132. Chartoph. reg. ch. 54 :

Stephanus Alberti obtulit centum libras Turonenses ; quæ Offra fuit per dictum commissarium acceptata.

Lit. ann. 1405. tom. 9. Ordinat. reg. 103 :

Promittimus quod si quod a talibus notariis habitum seu levatum extiterit a medio anno citra, eisdem reddatur, seu de quota pro præsenti Offra eis contingente, deducatur aut defalquetur.