OLALOGIA. Vita S. Ethildritæ sæc. 2. Benedict. pag. 769 :

Rex Ederodus ex hac vita discessit, cui successit frater ipsius Elwredus : qui acer ingenii per Baldum et Johannem doctissimos monachos tantum instructus est, ut in brevi notitiam omnium librorum haberet, totumque novum et vetus Testamentum in Olalogiam Anglicæ gentis transmutaret,

hoc est, ut videtur, in linguam Anglicam redderet. Vox ducta ab Olographus seu Holographus, propria manu exaratus, Gr. ὁλόγραφος. Unde Jurisconsulti ὁλόγραφον vocant testamentum, quod testatoris manu perscriptum est, non autem sola subscriptione firmatum. Vide Holographus.