OLEUM, Glossarium mediae et infimae latinitatis, Du Cange et al.

« Oleum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 041c. http://ducange.enc.sorbonne.fr/OLEUM

OLEUM. Triplex consecratur et benedicitur separatim et divisim feria quinta Majoris Hebdomadæ, scilicet Oleum pro infirmis, Oleum ad chrisma, et Oleum ad Catechumenos ungendos, ut est in Ordine Romano, et apud Honorium Augustod. lib. 3. cap. 80. 81. 82. Vide Glossar. med. Græcit. col. 369. sqq.

Olei Infirmorum, seu pro infirmis et energumenis Exorcismus et Benedictio habetur in Ordine Romano. Vide præterea Durandum lib. 6. cap. 74. num. 3. et seqq.

Olei Catechumenorum, seu quo ungebantur Catechumeni, Exorcismus describitur pariter in Ordine Romano. Dicitur etiam Oleum istud Sanctum. Vide Honorium Augustod. lib. 3. cap. 81. Gesta Innocentii III. PP. pag. 60. et Durandum lib. 6. cap. 74. n. 21. et seqq.

Oleum Exorcizatum, vel Chrisma, seu Chrismale oleum. Hujus Exorcismus perinde exstat in Ordine Romano. Vide præterea Canones Romanor. ad Gallos cap. 8. Capitula Theodori Episc. Cantuar. cap. 20. edit. Acherianæ, et ejusdem Pœnitentiale cap. 3.

Oleum Benedictum, Quod a Pontificibus aut viris sanctitate conspicuis benedicebatur, et quo fideles ad depellendos morbos, aut dæmonas ab energumenis fugandos utebantur. S. Hieron. in Vita S. Hilarionis :

Concurrebant Episcopi, Presbyteri, Clericorum et Monachorum greges.... sed et potentes viri, ut benedictum ab eo panem, vel Oleum acciperent.

Infra :

Benedicto itaque Oleo universi agricolæ atque pastores tangentes vulnera, certam salutem resumebant.

Et paulo post :

Cujus generum et filiam de morte liberavit unctione Olei.

Tertullianus ad Scapulam :

Proculum Christianum, qui eum aliquando per Oleum curaverat, requisivit, etc.

Sulpitius Severus Dial. 3. cap. 3 :

Non prætermittendum videtur Avitiani Comitis uxorem misisse Martino Oleum quod ad diversas morborum causas necessarium, sicut est consuetudo, benediceret.

Paulinus lib. 5. de Vita S. Martini :

Nec sane alterius minor admiratio facti est,
Cujus me memorem medicati infusio succi,
Et decantati benedictio fecit Olivi.
Et quoties pietatis opem medicina poposcit,
Disparibus causis par gratia sanctificavit.
Namque ut sæpe solent præcauto corde fideles,
Vas Oleo oppletum servando ea ducta salutis,
Vel justis offerre viris, vel condere sanctis
Religione locis, quibus aut operatio præsens,
Martyrii emeritos prodit virtute patronos, etc.

P. Carpentier, 1766.

Oleum S. Andreæ, S. Katharinæ. Inventar. S. Capel. Paris. ann. 1363. ex Bibl. reg. :

Item unum sanctuarium de Oleo S. Andreæ.... Una reliquia de Oleo S. Katharinæ. Oelle d'olive,

in Lit. remiss. ann. 1448. ex Reg. 179. Chartoph. reg. ch. 300. Oille d'olive, in Pedag. Peron. ex Chartul. 21. Corb. fol. 341.

P. Carpentier, 1766.

Oleum Petroleum. Vide infra Petroleus.

◊ Porro sæpe legimus varios morbos curatos fuisse a sanctis viris adhibito oleo benedicto, aut facta desuper oratione, apud eumdem Severum lib. de Vita S. Martini cap. 15. Dial. 3. cap. 2. Rufinum lib. 2. Histor. Eccl. cap. 4. Cyprianum et Messianum in Vita S. Cæsarii Arelat. pag. edit. Baralli 239. 253. Jonam in Vita S. Eustasii Abbatis Luxoviensis num. 5. Jonam Fontanellensem Monachum in Vita S. Vulfranni Archiep. Senonensis n. 7. Gregorium Turon. de Vitis Patrum cap. 9. 14. 15. et lib. 6. Histor. cap. 6. Fortunatum in Vita S. Paterni cap. 8. 11. Thiotfridum Epternacensem Abbat. lib. 3. cap. 5. in Vitis Sanctorum Tillonis Monachi n. 19. Theodori Syceotæ n. 57. Lucæ Junioris n. 62. Paterni Episcopi Abrincensis n. 11. 14. Nicetii Episc. Lugdun. n. 4. Parduli Confess. Licinii Episcopi Andegav. Samsonis Confess. cap. 7. Baormiri Confess. MS. Romani Presbyteri MS. Magnobodi Episcopi Andegav. cap. 14. 16. 22. 32. 33. 40. 42. 44. 46. Sulpitii Episcopi Bituric. S. Melonii Episc. Ursmari cap. 6. Thuribii Episc. Cenoman. num. 12. Sifredi, etc. Præterea apud Græcos aliquot scriptores, Sozomenum lib. 6. cap. 29. Palladium in Hist. Lausiaca cap. 13. 20. 43. 53. Eustathium in Vita Eutychii P. CP. n. 47. 53. 58. 60. in Martyrio S. Bacchi Junioris pag. 67. 68. in Græcorum Menæis 8. Decemb. in S. Patapio, in Vita S. Nili Junioris pag. 100. 101. etc. Vide Allatium de Opinat. Græcor. n. 4. 5. 6.

Oleum S. Catharinæ, de quo Boethius in descriptione Scotiæ pag. 6.

Oleum Sanctæ Crucis, quo a Leontio Exconsule Gregorio M. missum, ut ipsemet Gregorius testatur lib. 7. ind. 1. Epist. 35. Scribit Beda de Locis SS. cap. 20 :

De nodis ligni sancti liquorem odoriferum Oleo similem profluxisse, cujus si etiam modica particula contingeret, omnem ægritudinem sanabat.

Hausit ab Adamnano lib. 3. de Terra sancta cap. 3. Vide Cyrillum Scythopolit. in Vita S. Sabbæ. et Glossar. med. Græcit. col. 372.

Oleum Lardinum, in fragmento Historico de Concilio Aquisgranensi, pro pinguedine, seu Garo :

Et quia oleum olivarum non habent Franci, voluerunt Episcopi ut (Canonici) Oleo lardino utantur.

Perperam editum lardivo.