OPERA 2, Glossarium mediae et infimae latinitatis, Du Cange et al.

« 2 opera » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 045c. http://ducange.enc.sorbonne.fr/OPERA2

2. OPERA, Reditus ad Ecclesiæ sarta tecta, Gal. Oeuvre, fabrique. Leges Caroli M. apud Murator. tom. 2. pag. 101. col. 1 :

Præcipimus Comitibus et omnibus fidelibus nostris, ut quicumque de rebus ecclesiasticis habent, pleniter secundum morem regionis, nonas et decimas ad ipsas Ecclesias donent, absque ulla diminutione aut dilatione, in quantum melius possunt... et quando necessitas exegerit, detur Opera ad ipsas Ecclesias restaurandas.

Privilegium Ermengaudi Comitis Urgell. ann. 1162. tom. 3. Concil. Hispan. pag. 374. col. 2 :

Dono etiam ad Operam B. Mariæ centum morapetinos.

Charta ann. 1163. ex Archivo Episcopatus Massil. :

Domos autem Operæ, quas R. de Soleriis Episcopus abstulerat, retento servitio medelam de melle, et campum de Carello aut cumcambium valens, Operæ Ecclesiæ reddi mandavimus.

Vide Fabrica 4. Operarius et Opus 2.

P. Carpentier, 1766.

◊ Charta ann. 1231. apud Lam. in Delic. erudit. inter not. ad Hist. Sicul. Bonincont. part. 3. pag. 152 :

Juraverunt omni anno in festivitate S. Mariæ de medio Augusto reducere et offerre unum cereum de decem libris ceræ ad Operam dictæ ecclesiæ.

Ubi forsitan nihil sonat, ut et in similibus locis, nisi ad Opus et usum ecclesiæ.